Pomoc LibreOfficeDev

Boki pomocy LibreOfficeDev se we wašom standardnem webwobglědowaku pokazuju.

Funkcije bokow pomocy LibreOfficeDev

Lisćina modulow

Klikniśo górjejce na boku, aby wuběrańsku lisćinu wócynił a wubjeŕśo modul LibreOfficeDev, aby głowny bok modula pomocy pokazał.

Lisćina rěcow (jano w pomocy online)

Jano w pomocy online k dispoziciji, wubjeŕśo rěc, aby aktualny bok pomocy pokazał.

Indeks pomocy

Indeks pomocy lisćinu klucowych słowow za wšykne module LibreOfficeDev pokazujo. Klikniśo na klucowe słowo w lisćinje, aby pśisłušny bok pomocy wócynił.

Indeks pomocy pśepytowaś

Zapódajśo klucowe słowo do pytańskego póla. Pytanje se ned wuwjeźo, mjaztym až klucowe słowo zapódawaśo.

Pytańske wuslědki se ako filtrowana lisćina wótpowědnikow pokazuju, kótarež su pó modulowym mjenju zrědowane. Pytańske wuslědki teke pśibližne wótpowědniki wopśimuju. Jadnake źěle pytańskego wuraza se w kuždem wuslědku wuzwiguju.

Nadpismo GLOBALNE na wótpowědnik za klucowe słowa pokazujo, kótarež wěcej ako jaden modul LibreOfficeDev nastupaju. Celowe ramiki na pśikład za cele tabelowych dokumentow ako teke za tabelowe cele abo tabelowe wobceŕki w tekstowych a prezentaciskich dokumentow płaśe.

Wužywajśo šypkowe symbole dołojce w indeksu, aby zapiski indeksa abo filtrowaneje lisćiny wuslědkow doprědka abo slědk pśeglědował.

Wopśimjeśe– głowne temy pomocy

Pokazujo indeks głownych temow wšych modulow.

• Klikniśo na zacynjony zarědnik (⊞), aby jen wócynił a pódzarědniki a boki pomocy pokazał.

• Klikniśo na wócynjony zarědnik (⊞), aby jen zacynił a pódzarědniki a boki pomocy schował.

• Klikniśo na wótkaz, aby wótpowědny bok pomocy pokazał.

Wužywanje wobglědowaka za pomoc LibreOfficeDev

Nawigacija w bokach pomocy

Wužywajśo tłocaška Slědk a Doprědka wobglědowaka, aby mjazy bokami nawigěrował. W nejwěcej wobglědowakach dłujke kliknjenje na tłoctašk Slědk wuběrańsku lisćinu do togo woglědanych bokow pokazujo a dłujke kliknjenje na tłocašk Doprědka lisćinu bokow pokazujo, ku kótarymž su se woglědali pó aktualnem boku.

Boki pomocy za cytańske znamjenja

Wužywajśo funkciju cytańskich znamjenjow wobglědowaka za malsny pśistup k relewantnym bokam pomocy. Aby bok w nejwěcej wobglědowakach ako cytanske znamje składował:

1. Wócyńśo meni Cytańske znamjenja wobglědowaka,

2. wubjeŕśo Cytańske znamje pśidaś abo

   tłocćo +D w nejwěcej wobglědowakach.

3. Zapódajśo mě, zarědnik a wugroniwe wobznamjenja za cytańske znamje.

4. Zacyńśo dialog Cytańske znamjenja webwobglědowaka.

Pśeglědowańska historija bokow pomocy

Kuždy bok pomocy, ku kótaremuž sćo woglědał, se w historiji webwobglědowaka składujo. Aby historiju wócynił:

1. Wubjeŕśo meni Historija webwobglědowaka.

2. Wubjeŕśo Historiju pokazaś.

3. Klikniśo na zapisk głownego wokna historije, aby wótpowědny bok pomocy wócynił.

Wopśimjeśe pomocy do mjazywókłada kopěrowaś

Móžośo ze standardnymi kopěrowańskimi pśikazami wopśimjeśe boka pomocy do mjazywótkłada na swójom źěłowem systemje kopěrowaś.

1. Wubjeŕśo na boku pomocy tekst, kótaryž cośo kopěrowaś.

2. Tłocćo +C.

Wěste wopśimjeśe w bokach pomocy dajo se z jano jadnym kliknjenim myški do systemowego mjazywótkłada kopěrowaś. W toś tych padach se pomocny tekst zjawijo, gaž myška nad wopśimjeśim, kótarež dajo se kopěrowaś, źaržyśo. Slědujuca smužka na pśikład dajo se kopěrowaś:

=SUMA(A1:A10)

Na aktualnem boku pytaś

Aby na aktualnem boku pomocy pytał:

1. Wócyńśo pytański rěd w swójom webwobglědowaku, ku kótaremuž zwětšego z pomocu tastowje skrotconki +F pśistup dostał.

2. Zapódajśo tekst, kótaryž cośo namakaś, do póla Pytaś za.

3. Wubjeŕśo pytańske nastajenja, kótarež cośo wužywaś.

4. Tłocćo Enter.

Aby pjerwjejšne wustupowanje pytańskego wuraza na boku namakał, klikniśo na Šypka górjej. Aby pśiduce wustupowanje namakał, klikniśo na Šypka dołoj.

Powšykne informacije wó wopśimjeśu