Setja inn, redigera og kopla rammer

Ei ramme kan innehalda tekst og bilete, og du kan plassera henne kvar som helst på ei side. Du kan også bruka ei ramme for å laga eit spalteoppsett på ein tekst.

Slik set du inn ei ramme

1. Merk teksten du vil skal vera med i ramma.

2. Vel Set inn → Ramme → Ramme.

Slik redigerar du ei ramme

• For å redigera innhaldet i ei ramme, trykkjer du i henne og gjer dei endringar du ønskjer.

• For å redigera ei ramme, merk ramma, høgreklikk og vel ei formatinnstilling. Du kan også høgreklikka på den markerte ramma og velja Ramme.

• Du endrar storleiken på ei ramme ved å klikka på ein kant eller eit hjørne av ramma og dra dit du ønskjer. Hald nede Shift-tasten for å behalda sideforholdet.

Slik gøymer du tekst ved utskriving

Alle rammer i Writer kan setjast i ein modus som viser teksten i dei på skjermen utan at han vert skriven ut.

1. Merk ramma (du ser dei åtte handtaka).

2. Vel Format → Ramme og objekt → Eigenskapar → Val.

3. Fjern markeringa i avkryssingsfeltet Skriv ut i området Eigenskapar og trykk OK.

Slik koplar du rammer

Du kan kopla saman rammer i Writer slik at innhaldet deira automatisk flyt frå den eine ramma til den andre.

1. Trykk på kanten av den ramma du vil kopla. Markeringshandtak dukkar då opp på kantane av henne.

2. Trykk på Kopla rammer på verktøylinja Ramme.

3. Trykk på ramma du vil kopla til.

Du kan berre kopla rammer dersom

• … målramma er tom.

• … målramma ikkje er kopla til ei anna ramme.

• Kjelde- og målrammene er i den same bolken. For eksempel kan du ikkje kopla saman ei topptekstramme med ei botntekstramme.

• … kjelderamma ikkje har ei neste lenkje.

• … mål- eller kjelderamme ikkje er ein del av kvarandre.

Når du vel ei kopla ramme, vert det vist ei linje som koplar saman dei to rammene.