Skriva ut ein brosjyre

Du kan skriva ut eit Writer-dokument som ein brosjyre eller eit hefte. Det vil seia at Writer skriv ut to sider på kvar side av papiret, så du kan lesa dokumentet som ei bok når du brettar papiret.

Når du lagar eit dokument som du vil skriva ut som ein brosjyre, bør du bruka ståande sideretning på sidene. Writer brukar brosjyreoppsettet når du skriv ut dokumentet.

LibreOffice er ikkje utforma for å skriva ut brosjyrar i liggjande papirretning, men det er råd å skriva ut også slike dokument.

Det er ikkje råd å skriva ut store bilete på to sider. Klipp biletet i to og skriv ut kvar del på ulike sider.

Skriva ut ein brosjyre

  1. Vel Fil → Skriv ut.

  2. Klikk på OK i dialogvindauget Eigenskapar.

  3. Vel liggjande papirretning i eigenskapane til skrivaren din.

Tipsikon

Dersom skrivaren din har duplex (dobbeltsidig utskrift), bør du bruka innstillinga «duplex – kort kant» i dialogvindauget for skrivaroppsettet. Dette fordi brosjyrar alltid vert skrivne ut i liggjande format.


  1. Gå tilbake til dialogvindauget Skriv ut.

  2. Vel Brosjyre i området Sideutforming.

  3. For ein skrivar som automatisk skriv på begge sidene av papiret, merk av for Ulike og like sider i området Område og kopiar.

  1. Trykk på Skriv ut.

Dersom du skriv ut ei ståande side med liggjande format, vert to motsette sider i ein brosjyre skrivne ut ved sida av kvarandre. Dersom skrivaren din kan skriva ut på begge sider av arket, kan du laga ein heil brosjyre av dokumentet utan at du må lima saman sidene etterpå. Dersom skrivaren din berre kan skriva ut på den eine sida av arket, kan du oppnå det same ved å først skriva ut framsidene med valet «Framsider / høgresider / oddetalssider» og deretter setja inn att alle papira i skrivaren og skriva ut baksidene med valet «Baksider / venstresider / partalssider».

Merknadsikon

Viss LibreOffice skriv ut sidene i feil rekkjefølgje, vel Skriv ut i motsett rekkjefølgje i området Område og kopiar og skriv ut dokumentet på nytt.


Støtt oss!