Laga og leggja til sidestilar

LibreOffice brukar sidestilar for å spesifisera oppsettet av ei side, for eksempel sideretning, bakgrunn, margar, topptekstar, botntekstar og tekstspalter. For å endra oppsettet på éi enkelt side i eit dokument, kan du laga og bruka ein tilpassa sidestil på sida.

Slik lagar du ein ny sidestil

1. Vel Vis → Stilar.

2. Trykk på knappen Sidestilar.

3. Høgreklikk på eit element i lista over sidestilar og vel Ny.

4. Skriv inn eit namn i feltet Namn i fana Generelt .

5. Gjer éin av desse:

• For å bruka ein sjølvvald sidestil på ei enkelt sida, vel sidestilen som er brukt i feltet Neste stil i standardstilen som er brukt for sida.

• For å bruka ein sjølvvald sidestil på fleire sider, vel stilnamnet i feltet Neste stil. For å avslutta bruken av stilen, set inn eit manuelt sideskift og vel ein annan sidestil.

6. Bruk fanene i dialogvindauget for å setja vala for utsjånaden til sidestilen. Trykk deretter på OK.

Slik legg du til ein sidestil

1. Trykk på den sida i dokumentet du vil bruka sidestilen på.

2. Gjer éin av desse:

• Vel Vis → Stilar og trykk på ikonet Sidestil.

  Dobbeltklikk på eit namn på lista.

• Høgreklikk på sidestilen som vert vist på Statuslinja og vel ein annan sidestil.

Overstyra «Neste stil» manuelt i ein sidestil

1. Set markøren mellom sida med sidestilen og sida med stilen sett i Neste stil.

2. Høgreklikk og vel Rediger sideskift.

3. Merk avkryssingsfeltet Med sidestil.

4. Skriv inn sidestilen som skal brukast.

See Manuelt definert område for ein sidestil.

Slik legg du ein sidestil til ei side

1. Trykk på den staden i dokumentet der du vil at den nye sida skal byrja.

2. Vel Set inn → Fleire slag skift → Manuelt skift.

3. Vel Sideskift.

4. I boksen Sidestil vel du sidestilen som skal brukast på den sida som kjem etter eit manuelt sideskift.

5. Trykk OK.