Setja inn hyperlenkjer frå Dokumentstrukturen

Du kan setja inn ein kryssreferanse som ei hyperlenkje i dokumentet ved å bruka Dokumentstrukturen. Du kan òg kryssreferera til element i andre LibreOffice-dokument. Dersom du trykkjer på hyperlenkja når dokumentet er opna i LibreOffice, vert du ført til det kryssrefererte elementet.

1. Opna dokumentet/dokumenta som inneheld elementa du vil kryssreferere til. Dokument A kan for eksempel motta ei hyperkopling til dokument B.

2. Opna dokumentstrukturen frå «Vis»-menyen, «Standard»-linja eller «Sidefeltet» eller trykk F5.

3. I lista nedst i dokumentstrukturen vel du dokumentet som inneheld elementet du vil kryssreferere til. Dokumentstrukturen viser objekta i det kryssrefererte dokumentet.

4. Trykk på plussteiknet ved sida av objektet du vil setja inn som ei hyperlenkje i Dokumentstrukturen.

5. Dra elementet til den staden i dokumentet der du vil setja inn hyperlenkja.

6. Når du slepp objektet der du vil ha det, kjem det opp ein sprettoppmeny der du kan velja ei handling for det dregne objektet i dokumentstrukturen. Viss tilgjengeleg, vel Hyperlenkje.

Namnet på elementet vert sett inn i dokumentet som ei understreka hyperkopling. Når elementet er ei overskrift, vert overskriftsteksten sett inn som ei hyperkopling.