Laga nummererte lister og punktlister medan du skriv

LibreOffice kan laga nummererte lister og punktlister automatisk medan du skriv.

Slå på automatisk nummerering og punktliste

Vel Verktøy → Autoretting → Innstillingar for autoretting, trykk på fana Val og merk av for «Punktlister og nummererte lister».
Vel Verktøy → Autoretting og sjå etter at Ved skriving er vald.

Automatisk nummerering vert bruk berre på avsnitt formatert med avsnittsstilane «Standard avsnittsstil», «Brødtekst» og «Brødtekst, innrykt».

Skriv 1., i., eller I. for å byrja ei nummerert liste. Skriv * eller – for å byrja ei punktliste. Du kan også skriva ein sluttparentes etter talet i staden for eit punktum, for eksempel 1) eller i).
Lag eit mellomrom, skriv inn teksten og trykk deretter på Enter. Det neste talet eller punktet kjem då opp automatisk i det nye avsnittet.
Trykk på Enter éin gong til for å avslutta lista.

Du kan starta ei nummerliste med kva tal som helst.

For å flytta eit avsnitt som inneheld ei nummerert liste eller punktliste eitt disposisjonsnivå ned, trykk ved byrjinga av avsnittet og deretter på Tabulator-tasten.
For å flytte eit avsnitt som inneheld ei nummerert liste eller punktliste eitt disposisjonsnivå opp, trykk ved byrjinga av avsnittet og deretter på Shift + Tabulator.
For å setja inn ein tabulator mellom talet eller punktet og teksten i avsnittet for alle listeavsnitta på eit gjeve listenivå, bruk Nummerering følgd av i fana Posisjon i dialogvindauget Punkt og nummerering. For eit enkelt listeavsnitt kan du kopiera ein tabulator og lima han inn i byrjinga av listeavsnittet.