Tilgjengekontroll

Sjå gjennom vanlege tilgjengeproblem i dokument og i støtte for PDF/UA-spesifikasjonar i dialogvindauget for PDF.

Verktøyet for tilgjengekontroll går gjennom doikumentstrukturen og samlar alle moglege problem med tilgjenget. Kontrollar kan køyrast manuelt via menyen, eller dei vert utløyset etter dialogvindauget for PDF-eksport når støtte for PDF er slått på.

Panelet for tilgangskontroll på sidepanelet

Dialogvindauget for tilgjengekontroll på sidepanelet viser ei liste over alle problema som finst i tekstdokumentet.

Lenkjer er gjevne for å navigera direkte til problemet. Dobbeltklikk på koplinga for å hoppa til og velja objektet med tilgjengeproblemet.

Fiks-knappen

Trykk på fiks-knappen for å hoppa til problemet og gje kommandoar for å fiksa det.

Vanlege tilgjengekontrollar

Kontrollar som nett no er implementerte er:

• Kontroller at dokumenttittelen er sett.

• Kontroller at språket for dokumentet er sett eller at det er sett språk for alle stilane som er i bruk.

• Kontroller at alt-teksten er sett for alle bilete, grafikk og OLE-objekt (eller tittelen i nokre objekt).

• Kontroller at tabellar ikkje inneheld delte eller samanslegne celler, noko som kan vera forvirrande for synshemma.

• Sjå etter falsk/manuell nummerering (som ikkje brukar integrert nummerering). For eksempel å skriva «1.», «2.», «3.» i byrjinga av avsnitta.

• Sjå etter at teksten i ei hyperlenkje ikkje er ei hyperlenkje i seg sjølv – teksten bør vera ei beskriving av koplinga.

• Kontroller kontrasten mellom teksten og bakgrunnen. Algoritmen er omtalt i WCAG-spesifikasjonen.

• Sjå etter blinkande tekst, noko som kan vera problematisk for folk med kognitiv funksjonshemming eller epilepsi som er kjenslevar for lys.

• Sjå etter fortnotar og sluttnotar. Slike bør unngåast.

• Sjå etter rekkjefølgja på overskriftene. Rekkjefølgja må auka stegvis, utan hopp (ikkje hoppa frå overskrift 1 til overskrift 3, altså utan overskrift 2.

• Sjå etter om teksten gjev tilleggsmeining med (direkte) formatering.