Orddeling

Set inn bindestrekar i ord som ikkje får plass på slutten av ei linje.

LibreOffice søkjer i dokumentet og føreslår orddelingar som du kan godta eller avvisa. Viss det er merkt eit tekstområde, fungerer dialogvindauget for orddeling berre på den merkte teksten. Viss ingen tekst er merkt, fungerer dialogvindauget på heile dokumentet.

For å bruka denne funksjonen …

Vel Verktøy → Språk → Orddeling

På Verktøylinja trykkjer du på

Orddeling

Viss du vil setja inn bindestrek i det gjeldande eller merkte avsnittet automatisk, vel Format → Avsnitt og trykk deretter på fana Tekstflyt. Du kan også leggja automatisk orddeling til ein avsnittsstil. I tekst der automatisk orddeling er slått på, vil dialogvindauget for orddeling ikkje finna ord å dela.

Når LibreOffice finn eit ord som bør delast, må du gjera eitt av følgjande:

For å godta delinga av det viste ordet, trykk på Del ord.
Om du vil endra orddelinga for det viste ordet, klikk på venstre- eller høgrepila under ordet og trykk på Del ord. Desse pilene er tilgjengelege berre for ord med fleire orddelingspunkt.
For å avvisa delinga av det viste ordet, klikk på Hopp over. Ordet vert ikkje delt.
For å bruka automatisk orddeling på resten av utvalet eller dokumentet, klikk på Orddel alt og svar «ja» på spørsmålet som kjem opp.
Du avsluttar orddelinga ved å trykkja på Lukk. Orddelingar som alt er gjort, vert ikkje endra. Du kan bruka Rediger → Angra for å gjere om alle orddelingar som vart gjort medan dialogvindauget for orddeling var ope.

Dersom du har avsnitt som ikkje skal ha automatisk orddeling, merkjer du avsnitta og vel Format → Avsnitt og fjernar merket for Automatisk under «Orddeling» i fana «Tekstflyt».

For å slå av forslaga til orddeling og bruka automatisk orddeling, vel → Språk og nasjonale innstillingar → Skrivestøtte og kryssar av for Del ord utan å spørja under området «Val».

For å leggja inn ei mjuk orddeling, klikk på ordet som skal delast ved linjeskift og trykk så + minusteiknet (-).

For å leggja inn ein hard bindestrek, klikk på ordet som ikkje skal delast ved linjeskift og trykk så Shift + + minusteiknet (-).

Før å gøyma mjuke bindestrekar, vel → LibreOffice Writer → Formateringsstøtte og fjerne merket framføre Mjuke bindestrekar.

Ord

Viser orddelingsforslag for det valde ordet.

Pil venstre/høgre

Bestem plasseringa av bindestreken. Dette valet er berre tilgjengeleg når det er meir enn eitt forslag.

Neste

Ignorer orddelingsforslaget og finn neste ord som kan delast.

Del ordet

Set inn bindestrek på staden du vel i ordet.

Fjern

Fjernar orddelinga frå det viste ordet.

Orddeling