LibreOffice 24.2 Hjelp
Med stilhandsamaren kan du bruka, laga, redigera, leggja til og sletta formateringsstilar. Du kan ta i bruk ein stil ved å dobbeltklikka han.
Du kan festa stilhandsamaren ved å dra i tittellinja og flytta vindauget til venstre eller høgre side av arbeidsområdet. Du kan losna vindauget igjen ved å dobbeltklikka på eit ubrukt område i verktøylinja.
Normalt viser stilpanelet ei førehandsvising av dei tilgjengelege stilane. Førehandsvisinga kan koplast frå ved å fjerna markeringa for Vis førehandsvising like under stillista.
Avsnittsstil
Vis formateringsstilane for avsnitt. Med avsnittsstilar kan du bruka same formatering, for eksempel skrift, nummerering og utforming, på avsnitta i dokumentet.
Teiknstil
Viser formateringsstilane for teikn. Med teiknstilar kan du bruka skriftstilar på merkt tekst i eit avsnitt.
Rammestilar
Vis formateringsstilane for rammer. Med rammestilar kan du velja utforming og plassering av rammer.
Sidestilar
Vis formateringsstilane for sider. Sidestilar vert brukte for å styra utforming av sider, medrekna topptekstar og botntekstar.
Listestilar
Viser formateringsstilar for nummererte og punktmerkte lister. Med listestilar kan du velja tal og punktteikn og innrykk i lister.
Tabellstilar
Viser formateringsstilar for tabellar. Bruk tabellstilane for å leggja kantar, bakgrunnar, skrifttypar, justering og talformat til tabellen.
Legg den valde stilen til eit objekt eller ein tekst. Trykk på denne knappen og merk eit objekt eller ein tekst med musepeikaren for å leggja til stilen.Trykk på knappen igjen eller trykk Escape for å gå ut av denne modusen.
Menyen for stilhandlingar
Opna ein undermeny med fleire kommandoar.
Merk teksten
Dobbeltklikk på den ønskte stilen i vindauget «Stilhandsamar».
Set skrivemerket i avsnittet eller merk fleire avsnitt.
Dobbeltklikk på den ønskte avstittsstilen i vindauget «Stilhandsamar».
Du kan leggja snarvegar til stilar frå fana Tastatur. Nokre snarvegar er førehandsdefinerte. Kommando + 0Ctrl + 0(null) gjeld for avsnittsstilen Brødtekst. Du har tilgang til avsnittsstilane Overskrift 1 til Overskrift 5 ved å bruka tastane KommandoCtrl og overskriftnummeret. For eksempel vil Kommando + 2Ctrl + 2 opna avsnittsstilen Overskrift 2.
→Verktøylinja for formatering (stilar) inneheld knappar for å ta i bruk og å endra stilar.