Stilar i Writer

Nedanfor finn du informasjon om Writer-stilar som er tilgjengelege for deg i Stilar-delen av sidefeltet.

Viss du vil, kan du redigera stilane i det gjeldande dokumentet og deretter lagra dokumentet som ein mal. Du lagrar dokumentet som ein mal ved å velja Fil → Malar → Lagra som mal.

Stilkategori

Her er dei ulike kategoriane av formateringsstilar.

Namn	Skildring
Teiknstil	Du kan bruka teiknstilar til å formatera enkeltteikn eller heile ord og fraser. Du kan også nøsta teiknstilar om ønskjeleg.
Avsnittsstil	Du kan bruka avsnittsstilar til å formatera avsnitt, også skrifttypen og skriftstorleiken. Du kan også velja kva avsnittsstil som skal brukast på det neste avsnittet.
Rammestil	Bruk rammestilar til å formatera tekst- og biletrammer.
Sidestilar	Du kan bruka sidestilar for å organisera strukturen i dokumentet og til å leggja til sidetal. Du kan også velja kva sidestil som skal brukast på den første sida etter eit sideskift.
Listestilar	Bruk listestilar for å formatera sorterte og usorterte lister.

Stilgrupper

Dette er stilgruppene som kan visast i stilhandsamaren.

Namn	Meining
Automatisk	Viser stilane som samsvarar med den gjeldande samanhengen.
Alle stilar	Viser alle stilane i den gjeldande stilkategorien.
Gøymde stilar	Viser alle stilane som er gøymde i stilar-feltet i sidefeltet.
Brukte stilar	Viser stilane (i den valde kategorien) som vert brukte i det gjeldande dokumentet.
Brukardefinerte stilar	Viser alle brukardefinerte stilar i den valde stilkategorien.
Tekststilar	Viser formateringsstilar for tekst.
Dokumentstruktur	Viser formateringsstilar for strukturering av dokumenta.
Listestilar	Viser formateringsstilar for sorterte eller usorterte lister.
Indeksstilar	Viser formateringsstilar for indeksar.
Spesielle stilar	Viser formateringsstilar for topptekstar, botntekstar, fotnotar, sluttnotar, tabellar og bilettekstar.
HTML-stilar	Viser ei liste over stilar for HTML-dokument.
Vilkårsstilar	Viser dei brukardefinerte vilkårsstilane.
Hierarkisk	Viser stilane i den valde kategorien i ei hierarkisk liste. Du kan visa stilane i eit undernivå ved å klikka på plussteiknet (+) ved sida av namnet til undernivået.