Tekstflyt

Vel innstillingar for orddeling og sideoppsettet.

Orddeling

Vert brukt for å setja innstillingane for orddeling i tekstdokument.

Automatisk

Set automatisk inn bindestrek i eit avsnitt når dei trengst.

Teikn ved linjeslutt

Vel det minste talet på teikn som skal vera på slutten av linja før ein bindestrek vert sett inn.

Teikn ved linjestart

Vel det minste talet på teikn som må vera på linja etter bindestreken.

Samansette teikn ved linjeslutt

Set 3 (eller fleire) teikn for å forbetra orddelinga på dansk, nederlandsk, tysk, ungarsk, norsk og svensk ved å føretrekkja orddelinga mellom delar av eit samansett ord i staden for å bryta den andre (tredje osv.) delen rett etter dei to første teikna.

Det høgaste talet på påfølgjande bindestrekar

Skriv inn det høgaste talet på linjer etter kvarandre som kan delast med bindestrek.

Minste ordlengd i teikn

Skriv inn kor mange teikn det minst må vera i eit ord før det kan setjast inn bindestrek.

Orddelingssone

Viss du vil redusera orddelinga, set du inn lengda på orddelingssona. I stadet for den moglege orddelinga, vert linja brote mellom ord viss det vassrette mellomrommet som er igjen ikkje er større enn orddelingssona. Bruk av orddelingssone gjev større mellomrom mellom ord i blokkjustert tekst, og større avstand frå avsnittsmargane i tekst som ikkje er blokkjustert.

Del ord skrive med STORE BOKSTAVAR

Del ord som er skrive heilt med store bokstavar, for eksempel initialar.

Dele siste ordet

Bruk bindestrek det siste ordet i avsnitta. Slår du av denne funksjonen, unngår du nesten tomme linjer som inneheld berre eit halvt ord..

Orddeling på tvers av sider

Kontroller orddelinga i den siste linja i ein kolonne, ei side eller eit oppslag og siste heile linja i eit avsnitt i høve til visse typografiske reglar for å gjera det lettare å lesa.

Siste heile linje i eit avsnitt

Fjern merket for denne avmerkingsboksen for å hindra orddeling i siste heile linja i eit avsnitt. Ordet med bindestrek vert flytt til neste linje viss det er nok plass til det. Som eit resultat vert den siste linja i avsnittet lengre, noko som reduserer mellomrommet mellom avsnitta.

Kolonnar

Fjern merkinga i denne boksen for å forhindra at ord vert delte mellom kolonnar, lenkja rammer eller sider. Linja med det delte ordet vert flytt til neste kolonne, ramme eller side.

Side

Fjern markeringa av denne avmerkingsboksen for å hindra at ord vert delte på ei side. Det delte ordet vert flytt til neste side.

Oppslag

Fjern avmerkjinga for denne avmerkingsboksen for å hindra at ord vert delte over eit oppslag. (Eit oppslag er i denne samanhengen to sider som er synlege for lesaren samtidig, for eksempel side 3 og 4 i ei bok). Det delte ordet vert flytt til det neste oppslaget.

Sluttsone for avsnitt

Viss du vil setja ei orddelingssone for den siste fulle avsnittslinja, skriv du inn lengda. Viss denne vedrt sett til 0, vert orddelingssona brukt som sone for avsnittsendinga.

Endesona for kolonne

For å setja ei orddelingssone for den siste linja i ei spalte, skriv inn lengda på sona. Sluttsona for spalter gjer det enklare å lesa dokumentet på tvers av spalter og lenkja tekstrammer. Viss sett til 0, vert sluttsona brukt som sluttsone for spalta.

Sluttsone for side

For å setja orddelingssona for den siste linja i eit avsnitt, skriv inn lengda på sona. Sluttsona gjer det enklare å lesa dokumentet side for side. Viss sett til 0, vert sluttsona brukt som sluttsone for sida.

Sluttsone for mellomrom

For å setja ei orddelingssone for den siste linja i eit oppslag, skriv inn lengda på sona. Sluttsona for oppslag gjer det enklare å lesa dokumentet når du skifter side. Vel du ein verdi fire gongar skriftstorleiken, vil dette hindra at ord med opp til 7-8 bokstavar vert delte. Det vil også hindra at lengre ord vert delte mellom dei 4-5 første bokstavane. Viss sett til 0, vert sluttsona for sida brukt som sluttsone for oppslaget.

Flytt linje

Merk av for denne for å flytta heile den delte linja til neste spalte, side eller oppslag i staden for å flytta berre det siste delte ordet. Berre den siste linja vert flytt når det er fleire bindestrekar, noko som betyr at innstillinga ikkje garanterar at orddelinga vert slått av på slutten av spaltene eller sidene.

Linjeskift

Vert brukt for å setja val for side- eller spalteskift.

Set inn

Vel denne avkryssingsboksen, og vel så kva slags skift du vil bruka.

Type

Vel kva type skift du vil setja inn.

Posisjon

Vel kvar du vil setja inn skiftet.

Med sidestil

Vel denne avkryssingsboksen før du vel kva slags sidestil du vil bruka for den første sida etter skiftet.

Sidestil

Vel formateringsstilen som skal brukast på den første sida etter skiftet.

Sidetal

Skriv inn sidenummeret på den første sida etter skiftet. Ikkje merk av for denne dersom du vil halda fram med den gjeldande nummereringa.

Innstillingar

Vert brukt for å setja vala for tekstflyt for avsnitt som vert viste før og etter eit sideskift.

Ikkje del avsnitt

Flyttar heile avsnittet til neste side eller spalte etter at eit skift er sett inn.

Hald saman med neste avsnitt

Hald dette avsnittet og neste avsnitt saman når eit skift eller eit spalteskift er sett inn.

Kontroll med foreldrelause linjer

Når siste linja i eit avsnitt kjem øvst på neste side er denne linja «foreldrelaus». For å unngå dette, kan også nest siste linja flyttast over til neste side. Skriv inn det minste talet på linjer som skal stå igjen i eit avsnitt før eit sideskift. Vel denne avkryssingsboksen og skriv inn eit tal i feltet Linjer. Dersom talet på linjer nedst på sida er mindre enn det som er vald i feltet Linjer, vert heile avsnittet flytt til neste side.

Kontroll med enkjer

Ei «enkje» er ei linje med berre nokre få teikn/ord. Skriv inn det minste talet på linjer i eit avsnitt på den første sida etter skiftet. Vel denne avkryssingsboksen og skriv inn eit tal i feltet Linjer. Dersom talet på linjer øvst på sida er mindre enn det som er vald i feltet Linjer, vert sideskiftet flytt.