Basic IDE

Set innstillingane for Basic IDE (Integrated Development Environment, integrert utviklingsmiljø) for å gjere redigeringa av makroar i Basic enklare.

For å bruka denne funksjonen …

Vel → LibreOffice → Basic IDE

Fullføring av kode

Desse eigenskapane hjelper Basic-programmeraren ved å fullføre koden slik at det vert mindre skriving og færre kodefeil.

Slå på kodefullføringa

Viser metodane for eit Basic-objekt. Kodefullføringa viser dei metodane som finst i eit Basic-objekt dersom objektet er ein UNO utvida type. Valet «Bruk utvida typar» er også med her. Dette verkar ikkje for eit generisk Object- eller Variant-Basic-typar.

Når ein variabel er eit UNO-grensesnitt eller -struktur, kjem det opp ein listeboks når ein trykkjer på prikken etter variabelnamnet (som einVariabel. [listeboksen vert vist]). Metodane og variablane vert viste i denne boksen like under variabelen. Du kan flytta gjennom variablane og metodane ved hjelp av piltastane. Trykk Enter-tasten eller dobbeltklikk med musebrytaren for å setje inn oppføringa. Trykk Escape-tasten for å lukka listeboksen.

Når du skriv inn namnet på metoden og trykkjer Tabulator-tasten éin gong, vert den valde oppføringa fullført. Trykkjer du tabulatortasten igjen, vert merkinga flytt til den neste oppføringa som inneheld det du har skrive. Dersom du for eksempel skriv inn aVar.aMet vil trykk på tabulatortasten sirkulere gjennom aMet1, aMetode2, aMethod3. Dei andre oppføringane vert ikkje gøymde.

Eksempel:


    Dim aPicker As com.sun.star.ui.dialogs.XFilePicker

er ein gyldig variabeldefinisjon. Metoden kan nåast med punktumoperatøren («.»).


    aPicker.getDisplayDirectory()

Kodeforslag

Dette er kodehjelp for programmering i Basic.

Autoretting

Set inn store og små bokstavar i Basic-variablar og nøkkelord under innskrivinga. LibreOffice Basic IDE endrar innskrivinga av Basic-uttrykk og Basic-variablar medan du skriv dei inn for å forbetra kodestilen og gjere kodane lettare å lesa. Endringane av koden er basert på variabeldefinisjonane brukte i programmet og oppdelinga av LibreOffice Basic-kommandoane.

Eksempel:


    Dim intVar as Integer

og når du skriv inn Intvar vert dette retta til intVar for å passa til bruken av store og små bokstavar i deklareringa av intVar .

Også nøkkelord i Basic vert korrigerte automatisk (lista over nøkkelord er henta frå tolkaren (parser)).

Eksempel:

Integer, String, ReDim, ElseIf, etc...

Lukk sitatteikn automatisk

Lukkar opne sitatteikn automatisk. LibreOffice Basic IDE vil leggja til eit avsluttande sitatteikn når du skriv inn eit sitatteikn. Kan vera til hjelp når du set inn strengar i Basic-koden.

Lukk parentesar automatisk

Lukkar opne parentesar automatisk. LibreOffice Basic IDE vil leggja til ein avsluttande parentes når du skriv inn ein opningsparentes («(»).

Lukk prosedyrar automatisk

Set automatisk inn avslutningsfrasen for prosedyrar. LibreOffice Basic IDE vil leggja til End Sub eller End Function når du har skrive inn Sub eller Function og trykker Enter.

Språkeigenskapar

Bruk utvida typar

Tillet å bruka UNO objekttypar som Basic-typar. Dette vil utvida standardtypane i Basic med LibreOffice UNO-typar. Dermed kan programmeraren definera variablar med den korrekte UNO-typen, noko som er nødvendig for kodefullføringa.

Eksempel:


    Sub Some_Calc_UNO_Types
    REM A spreadsheet object
        Dim oSheet As com.sun.star.sheet.XSpreadsheet
        oSheet = ThisComponent.getSheets().getByIndex(0)
    REM A cell object
        Dim oCell As com.sun.star.table.XCell
        oCell = oSheet.getCellByPosition(0,0)
    End Sub

Bruken av utvida UNO-typar kan gjera det vanskeleg å bruka programmet i andre kontorprogram.

Basic IDE