Tilgjenge

Set alternativ som gjer LibreOffice-programma mer tilgjengelege for brukarar med redusert syn, avgrensa bruk av fingrane eller andre funksjonshemmingar.

Animasjonar

• System: førehandsviser animasjonen av animerte bilete i høve til systeminnstillingane.

• Ja/Nei: slår av eller på animasjonar.

Tillat animerte bilete

Førehandsviser animerte bilete, for eksempel GIF-bilete, i LibreOffice.

Tillat animert tekst

Førehandsviser animert tekst, som blinking og rulling, i LibreOffice.

Tillat andre animasjonar

Kontrollerer om visse andre animasjonar er slått på (for eksempel «marsjerande maur», når ei celle i Calc vert kopiert).

Høg kontrast

Høg kontrast er eit val i operativsystemet som endrar systemfargeoppsettet for å gjera det enklare å lesa. Du kan velja korleis LibreOffice skal bruka høgkontrast-innstillingane i operativsystemet.

Cellegrenser og -skuggar vert alltid viste i tekstfargen når høg kontrast er slått på. Cellebakgrunnen vert då oversett.

• Automatisk: brukar høg kontrast i høve til systeminnstillingane.

• Slå av/på: overstyrer systeminnstillingane for høg kontrast.

Bruk automatisk skriftfarge for skjermvising

Viser skrifttypar i LibreOffice ved hjelp av fargeinnstillingane i systemet. Dette alternativet påverkar berre skjermvisinga.

Bruk systemfargane i førehandsvising

Brukar operativsystemet sine innstillingar for høg kontrast til førehandsvising av sider.

Ymse alternativ

Vis skrivemerket i skriveverna tekstdokument

Viser skrivemerket i skriveverna dokument.

Innstillingar for tilgjengekontroll

Slår på tilgjengekontrollane for LibreOffice. Desse kontrollane vert utførte når du vel Verktøy → Tilgjengekontroll.

Slå på alle

Slå på alle innstillingane for tilgjengekoontroll.