Laga XML-filter

Laga eit XML-filter for LibreOffice

Når du lagar eit XML-filter for LibreOffice, må du utforma eit XSLT-stilark som kan konvertera til og frå OpenDocument sitt XML-filformat.

Viss du vil, kan du bruka ein mal saman med filteret for å leggja til LibreOffice-stilar i eit XML-dokument som du importerer.

Slik lagar du eit XML-filter

1. Lag eit stilark for XSLT-transformering som kan tilordna elementa i det eksterne XML-formatet til elementa i OpenDocument-filformat og tilbake igjen.

2. Lag ein mal som tildeler LibreOffice-stilar til element i det eksterne XML-formatet når du importerer ei fil i dette formatet til LibreOffice

3. Lag eit tekstdokument i LibreOffice Writer og vel Verktøy → Innstillingar for XML-filter.

4. Trykk OK.

5. Klikk på fana Generelt i dialogvindauget XML-filter og definer eigenskapane for filteret.

• Skrive inn eit namn for XML-filteret i feltet Filternamn

  Dette namnet vert vist i dialogvindauget Innstillingar for XML-filter.

• I feltet Program-boksen vel du det LibreOffice-programmet som filteret gjeld for.

• Skriv inn filtypen som filteret gjeld for i feltet Namn på filtype..

  Dette namnet vert vist i lista over filtypar i dialogvindauga Opna, Eksporter og Lagra som.

• Skriv inn filutvidinga for den eksporterte fila i feltet Filetternamn.

  

  For å skilja fila frå andre XML-filer, kan du skriva inn eit filetternamn som ikkje er *.xml.

  
  

6. Vel omgjeringseigenskapane for filteret på fana Omgjering.

• (Valfri) I DocType-feltet kan du skriva inn dokumenttypeidentifikatoren for det eksterne filformatet.

  Denne identifikatoren vert brukt til å finna filtypen ved import.

• Skriv inn i feltet XSLT til eksport stien og filnamnet for XSLT-stilarket som definerer omgjeringa frå OpenDocument-formatet til det eksterne formatet.

• Skriv inn i feltet XSLT til import stien og filnamnet for XSLT-stilarket som definerer omgjeringa frå det eksterne filformatet til OpenDocument-formatet.

• (Valfri) Skriv inn i feltet Mal til import sti og namn på malen som definerer LibreOffice-stilene som vert brukt i den importerte fila.

  

  Filene som er spesifisert på fana Omgjering er kopiert til den lokale LibreOffice-brukarmappa.

  
  

7. Trykk OK.

Slik testar du eit XML-filter

Du kan utføra grunnleggjande testar av eit tilpassa XML-filter i LibreOffice.

1. Laga eller opna eit tekstdokument.

2. Vel Verktøy → Innstillingar for XML-filter.

3. Vel filteret som du vil testa i lista over filter og klikk på Test XSLT-ar.

4. For å prøva ut eit Eksportfilter, gjer slik i området Eksporter i dialogvindauget:

• Klikk på Bla gjennom og vel LibreOffice-dokumentet som du vil testa og klikk på Opna.

• For å testa det gjeldande dokumentet, klikk på Dette dokumentet.

5. For å prøva ut eit Importfilter klikkar du på Bla gjennom i området Importer i dialogvindauget, merkjer eit dokument og klikkar på Opna.