Kopiera formatering med formatpenselen

Bruk verktøyet Klon formatering for å kopiera formateringa frå eit tekstutval eller eit objekt og bruka formateringa på eit anna tekstutval eller objekt.

Merk teksten eller objektet som har den formateringa du vil kopiera.
Trykk på ikonet Klon formatering på Standardlinja. Musepeikaren vil endra seg til eit malingspann.
Merk eller trykk på teksten eller objektet du vil bruka formateringa på.

Viss du vil bruka formateringa på meir enn eitt utval, dobbeltklikkar du på ikonet Klon formatering . Trykk på ikonet igjen når du er ferdig.

Viss du ikkje vil bruka avsnittsformatering, hald nede når du trykkjer. Viss du ikkje vil bruka teiknformatering, hald nede + Shift når du trykkjer.

I Calc kopierer verktøyet «Klon formateringa» berre formatering lagt til frå dialogvindauget Format → Celler eller andre tilsvarande metodar. Difor vert formatering sett inn ved å merkja teikn i ein tekst inne i ei celle og så formatert med Format → Teikn ikkje kopiert med verktøyet «Klon formateringa».

Avsnitts-format er dei formata som vert brukte på heile avsnitt. Teikn-format er dei formata som vert brukte på ein del av eit avsnitt. Viss du for eksempel brukar feit skrift på eit heilt avsnitt, er formatet eit avsnitts-format. Viss du seinare fjernar formatet feit skrift frå delar av avsnittet, vil feit skrift framleis vera eit avsnitts-format, medan den delen som feit skrift er fjerna frå vil vera eit teikn-format.

Tabellen nedanfor viser formateringseigenskapane som formatpenselen kan kopiera:

Utvalstype	Merknad
Ingenting er merkt, men skrivemerket står inne i ein tekst	Kopierer formateringa i det gjeldande avsnittet og teiknformateringa for det neste teiknet i tekstretninga.
Tekst er merkt.	Kopierer formateringa av det siste teiknet i utvalet og avsnittet som inneheld teiknet.
Ei ramme er merkt	Kopierer rammeeigenskapane som er definerte i dialogvindauget Format → Ramme og objekt → Eigenskapar. Innhaldet, storleiken, plasseringa, lenkjer, hyperlenkjer og makroar i ramma vert ikkje kopierte.
Objektet er merkt	Kopierer objektformateringa som er definerte i dialogvindauget Format → Bilete eller Format → Biletobjekt. Innhaldet, storleiken, plasseringa, lenkjer, hyperlenkjer og makroar i objektet vert ikkje kopierte.
Eit skjemakontrollelement er merkt.	Ikkje støtta
Eit teikneobjekt er merkt	Kopierer alle formateringseigenskapane. I Impress og Draw vert også eventuelt tekstinnhald i objektet kopiert.
Tekst inne i celler i Calc er merkt	Ikkje støtta
Ein tabell eller celler i Writer er merkt.	Kopierer formateringa som er sett i fanene «Tabell», «Tekstflyt», «Kantar» og «Bakgrunn» i dialogvindauget Format → Tabell. Også avsnitt- og teiknformatering vert kopiert.
Ein tabell eller celler i Calc er merkt	Kopierer celleformatering spesifisert i dialogvindauget Format → Celler.
Tekst inne i Impress-tebellen er merkt	Kopierer formateringsinnstillingane som er brukte på alle bokstavane i cella. Formatering kan berre kopierast innan den same tabellen.
Impress-tabell eller celler er merkte	Ikkje støtta

Klon formatering