Redigera biletobjekt

Vel Vis → Verktøylinjer → Teikning for å opna verktøylinja Teikning, viss ho ikkje er opna frå før.

Teikneobjekt kan redigerast og endrast etter når som helst. Teikneobjekt som er laga på denne måten er vektorbilete, og kan såleis skalerast utan tap av kvalitet.

Viss du vil teikna eit rektangel, kan du trykka på rektangelknappen og flytta musepeikaren til staden i dokumentet der du vil ha det eine hjørnet i rektangelet. Trykk ned museknappen og hald han nede medan du drar til det motsette hjørnet i rektangelet. Når du slepp museknappen, vert rektangelet sett inn i dokumentet. Rektangelet er merkt, og du kan redigera eigenskapane ved hjelp av sprettoppmenyen.

• Viss du ønskjer å opna eit teikneobjekt frå midten i staden for å dra det frå hjørne til hjørne, hald nede -tasten medan du drar ut biletet.

• Viss du held nede Shift medan du dreg, vil dette avgrensa objekta du lagar. For eksempel får du eit kvadrat i staden for eit rektangel eller ein sirkel i staden for ein ellipse. Når du dreg eit handtak til eit eksisterande objekt medan du held nede Shift, vert forholdet mellom breidd og høgd i objektet uendra.

• Skal du skalera objektet, må du først merkja det med utvalsverktøyet. Då kjem det fram åtte handtak rundt objektet. Når du dreg i eitt av de fire hjørnehandtaka, vert det motsette hjørnet halde fast på same staden medan dei tre andre hjørna kan flyttast. Når du dreg i eitt av sidehandtaka vert den motsette sida halde fast på same staden.

• For å skalera eit teikneobjekt ved hjelp av tastaturet, hald nede + Tabulator fleire gongar for å utheva eitt av handtaka. Trykk så på ein av piltastane. For å skalera i mindre steg, hald nede medan du brukar piltastane. Du går ut av punktredigeringsmodus ved å trykkja på Esc-tasten.

• For å flytta teikneobjekt, må du først merkja dei. Treng du å markera fleire objekt, held du nede Shift-tasten medan du klikkar. Dra objektet til den nye staden medan du held nede museknappen.

• For å flytta eit teikneobjekt ved hjelp av tastaturet, må du først merkja objektet og deretter trykkja ein piltast. Du kan flytta i mindre steg ved å halde nede -tasten medan du brukar piltastane.

• For å skriva inn tekst som ein del av eit grafisk objekt, merk objektet og skriv teksten. Klikk utanfor objektet når du er ferdig. Ønskjer du seinare å redigera teksten, dobbeltklikkar du først inne i objektet.