Relative og absolutte lenkjer

Når du sett inn hyperlenkjer, må du ta omsyn til to faktorar: Om lenkjene er sett som relative eller absolutte når dei vert lagra og om fila finst.

• Vel → Last inn/lagra → Generelt og merk av i feltet Lagra nettadresser relativt til for at LibreOffice skal lagranettadresser som relative eller absolutte hyperlenkjer. Relativ lenkjing er berre mogleg når dokumentet du arbeider på og lenkjemålet er på det same lagringsmediet.

• Du må laga den same mappestrukturen på harddisken som den du brukar på nettstaden der filene vert lagra. Kall rota til heimesida på harddisken for eksempel for «heimesida». Du kan då bruka startfila «index.html». I Windows vert den fulle stien til denne mappa «C:\heimesida\index.html». Adressa på Internettenaren kan verta slik: «http://www.nettstaden_min.no/sida_mi/index.html». Med relativ adressering vert lenkja sett opp relativt til plasseringa av dokumentet lenkja ligg i. Legg du for eksempel alle bileta for heimesida i mappa «C:\heimesida\bilete» og dette biletet skal leggjast inn i «index.html», vert lenkjeadressa til biletet «solnedgang.png» «bilete\solnedgang.png». Dette er den relative stien som byrjar der fila «index.html» er plassert. På nettenaren legg du dette biletet i mappa «sida_mi/bilete». Når du overfører dokumentet «index.html» til nettenaren via Fil - Lagra som og du har merkt av for Kopier lokale bilete til Internett i → Last inn/lagra → HTML-kompatibilitet vil LibreOffice kopiera bileta automatisk til den rette mappa på tenaren.

• Ein absolutt sti, som for eksempel «C:\heimeside\bilete\bilete.gif" vil ikkje verka på leverandøren sin tenar. Korkje tenaren eller lesaren sin datamaskin treng å ha ein C-stasjon. Operativsystem som Unix og macOS kjenner ikkje stasjonsbokstavar. Sjølv om mappa «heimeside\bilete» finst, vil ikkje bileta dine vera tilgjengelege. Det er betre å bruka relativ adressering for fil-lenkjer.

• Ei lenkje til ei nettside, for eksempel «www.openoffice.org» eller «www.nettstaden_min.no/sida_mi/index.html» er ei absolutt lenkje.

• LibreOffice reagerer også ulikt, avhengig av om fila som viser til i lenkja finst og kvar ho er plassert. LibreOffice kontrollerer alle nye lenkjer og vel automatisk eit mål og ein protokoll. Resultatet er synleg i den genererte HTML-koden etter at kjeldedokumentet er lagra.

• Desse reglane gjeld: Ein relativ referanse («bilete/bilete.gif») er berre mogleg når begge filene finst på den same stasjonen. Viss filene er på ulike stasjonar i det lokale filsystemet, vil den absolutte referansen bruka «file:»-protokollen («file:///data1/xyz/bilete.gif»). Viss filene finst på ulike tenarar, eller viss målet for lenkja ikkje er tilgjengeleg, vil den absolutte referansen bruka «http:»-protokollen («http://data2/abc/bilete.gif»).

• Pass på at du plasserer alle filene som skal brukast på heimesida på den same lagringseininga som startfila for heimesida er på. På denne måten kan LibreOffice velja protokollen og målet slik at referansen på tenaren alltid er korrekt.