Setja inn hyperlenkjer
Du kan setja inn hyperlenkjer på to måtar: Som tekst eller som ein knapp. Den synlege teksten kan vera ulik nettadressa.
Set markøren i dokumentet der du ønskjer å setja inn hyperlenkja eller merk teksten som du ønskjer å leggja hyperlenkja i. Vel Hyperlenkje frå Set inn på hovudmenyen. Du kan også trykkja på hyperlenkjeikonet 
på standardverktøylinja for å få opp dialogvindauget Hyperlenkje.
-
Vil du gå til ei bestemt linje i eit tekstdokument, må du først setja inn eit bokmerke på denne linja (Set inn → Bokmerke).
-
Viss du vil gå til ei bestemt celle i eit rekneark, må du først gje cella eit namn (Set inn → Namn → Skriv inn).
Du kan også setja inn hyperlenkjer ved å dra og sleppa dei frå dokumentstrukturen. Hyperlenkjer kan visa til referansar, overskrifter, bilete, tabellar, objekt, mapper eller bokmerke.
Viss du vil setja inn ei hyperlenkje som viser til Tabell1 i ein tekst, kan du dra elementet Tabell1 frå «Dokumentstruktur» og sleppa det i teksten. Du kan berre gjera dette viss du har vald dratilstanden Set inn som hyperlenkje i dokumentstrukturen.