Utviklingsverktøy

Inspiserer objekt i LibreOffice-dokument og viser UNO-tenester som støttar desse, i tillegg tilgjengelege metodar, eigenskapar og implementerte grensesnitt.

Denne funksjonen let deg også utforska dokumentstrukturen ved å bruka Document Object Model (DOM).

For å bruka denne funksjonen …

Frå menylinja:

Vel Verktøy → Utviklingsverktøy

Frå brukargrensesnittet med faner:

Vel Utviklingsverktøy i fana Verktøy i menyen Verktøy.

Frå verktøylinjer:

Utviklingsverktøy

Utviklingsverktøya er synlege i alle dokument i LibreOffice Writer, Calc, Impress og Draw. Visinga held fram og er synleg til ho vert slått av.

Når Utviklingsverktøy er slått på, vert det vist eit vindauge nedst på skjermen. Vindauget kan limast inn. Dette vindauget har to seksjonar:

Trevising for dokumentobjektmodell: Viser dokumentelement i høve til dokumentobjektmodellen (DOM). Bruk denne til å velja objektet du vil sjå på.
Objektinspeksjonspanel: Viser tilgjengelege tenester, metodar, eigenskapar og grensesnitt for det valde objektet.

Denne funksjonen har vore tilgjengeleg sidan LibreOffice 7.2 for Writer, Calc, Impress og Draw.

Dokumentmodell trevising

Venstre side av vindauget inneheld ein av/på-knapp for Gjeldande utval, ein Oppdater-knapp og ei trevising som viser alle objekta i dokumentet.

Korleis trevisinga oppfører seg, er avhengig av statusen til av/på-knappen Gjeldande val:

Trykk på Gjeldande utval for å visa eigenskapane til objektet som er vald i dokumentet. Difor har det ingen effekt å trykka på eit element i trevisinga.
Trykk på Gjeldande utval igjen for å visa eit element i trevisinga og å oppdatera innhaldet i Objektinspeksjonspanelet.

Kva for objekttypar som vert viste i dokumentmodelltrevisinga er avhengig av LibreOffice-programmet som er i bruk:

LibreOffice-program	Støtta objekt
Writer	Avsnitt Tekstdelar i eit avsnitt Figurar Tabellar Rammer Grafiske objekt Innebygde objekt (OLE) Stilfamiliar og stilar
Calc	Ark Former per ark Diagram per ark Pivottabellar per ark Stilfamiliar og stilar
Impress	Lysbilete Former per lysbilete Hovudlysbilete Stilfamiliar og stilar
Draw	Sider Former per side Stilfamiliar og stilar

Objektinspeksjonspanel

Den høgre sida av vindauget er Objektinspeksjonspanelet som visar informasjon om objektet som vert inspisert.

Klassenamn: namnet på objektklassen.

Bruk klassenamnet for å søkja etter meir informasjon i API-dokumentasjonen. For eksempel er toppnivåobjektet i eit Writer-dokument ei førekomst av klassen SwXTextDocument, som er dokumentert i SwXTextDocument Class Reference.

Du kan inspisera objektet vidare ved å bruka dei fire tilgjengelege fanene som viser grensesnitt, tenester, eigenskapar og metodar for objektet.

Informasjonen om objektet er organisert i kolonnar i kvar fane. Settet med kolonnar som vert viste er avhenger av den valde fana.

Grensesnitt-fana

Inneheld ein enkelt kolonne som visar lista over grensesnitt implementert av objektet.

Teneste-fana

Inneheld ein enkelt kolonne som visar lista over tenester som vert støtta av objektet.

Eigenskaps-fana

Inneheld fire kolonnar som skildrar eigenskapane til objektet:

Eigenskap: Viser namna på objekteigenskapane.
Verdi: Viser den gjeldande eigenskapverdien som tekst.
Type: Viser eigenskapstypen.
Info: Viser relevant informasjon om eigenskapen. For eksempel vert eigenskapen skriveverna vist som "skriveverna" i denne kolonnen.

Fana Eigenskapar inneheld også ein tekstboks nederst for å visa den fullstendige tekstrepresentasjonen av eigenskapsverdien.

Metode-fana

Inneheld fire kolonnar som forklarar den kombinerte lista over metodar som kan kallast opp av det gjeldande objektet:

Metode: Viser namna på alle metodane i objektet.
Returtype: Viser returtypen til objektmetodane. Metodar som ikkje returnerer nokon verdi, er merkte som "ugyldig" i denne kolonnen.
Parameter: Viser lista over parameterar som krevst av metoden, samt deira respektive typar.
Implementeringsklasse: Viser namnet på klassen der metoden er implementert.

UNO-objekt, -funksjonar og -tenester