Tabellutforming
Denne bolken inneheld informasjon om korleis du lagar ein ny databasetabell i utformingsvising
Opna databasefila som du vil laga ein ny tabell i. Klikk på ikonet Tabellar. Vel Lag tabell i utformingsvising for å laga ein ny tabell.
Du kan nå laga felt for tabellen i utformingsvisinga.
-
Skriv inn nye felt i rader ovanfrå og nedover. Klikk på cella Feltnamn og skriv inn eit feltnamn for kvart datafelt.
-
Definer eit datafelt for «primærnøkkel». Base krev ein primærnøkkel for å kunna redigera innhaldet i tabellen. Ein primærnøkkel har unikt innhald for kvar datapost. For eksempel, sett inn eit numerisk felt, høgreklikk på den første kolonnen og vel Primærnøkkel frå sprettoppmenyen. Set Automatisk verdi til «Ja» så Base automatisk aukar verdien for kvar ny datapost.
-
Vel Felttype i neste celle til høgre. Når du klikkar i cella, kan du velja ein felttype i kombinasjonsboksen.
Kvart felt kan berre ha data som svarar til den gjevne felttypen. For eksempel er det ikkje mogleg å skriva inn tekst i eit talfelt. Memofelt i dBASE III-format er tilvisingar til internt administrerte tekstfiler som kan innehalda opp til 64 kB tekst.
Du kan skriva inn ei valfri Skildring for kvart felt. Teksten for forklaringa vert vist som eit tips på kolonneoverskriftene i tabellvisinga.
Felteigenskapar
Skriv inn eigenskapar for kvart merkt datafelt. Kva for eigenskapar som er tilgjengelege, er avhengig av databasetypen.
Skriv inn standardinnhald for kvar ny datapost i feltet Standardverdi. Innhaldet kan endrast seinare om nødvendig.
Bestem om feltet kan vera tomt i boksen Oppføring påkravd.
For feltet Lengd kan ein kombinasjonsboks med dei tilgjengelege vala koma fram.