Installera Built-in hjelp

Instruksjonane for å installera built-in-hjelp er avhengig av kva metode som er brukt for å installera LibreOffice. For føremålet med denne rettleiinga, vurder de to følgjande tilnærmingane:

Installering med den offisielle binærfila henta frå sida LibreOffice download.
Installasjon ved hjelp av tredjeparts lagringsstader. Dette er hovudsakleg tilfellet for Linux-operativsystem som vedlikeheld sine eigne pakkar.

Denne rettleiinga gjev instruksjonar for å installera den innebygde hjelpa for pakkar levert av Ubuntu og Fedora. Viss installasjonsmetoden din ikkje er dekt her, bør du kontakta vedlikehaldarane av pakkane som er installerte på systemet ditt.

Installera frå den ofisielle nedlastingssida

Instruksjonane i denne bolken passar når LibreOffice er installert ved å bruka dei offisielle filene. Følj stega nedanfor for å få installasjonsfila for den innebygde fråkopla hjelpa:

Besøk sida LibreOffice download.
Forsikra deg om at det aktuelle operativsystemet er vald i Choose your operating system.
Trykkk på lenkja Help for offline use og lagra fila.

Før du trykkje på lenkja Help for offline use, sjå etterat det aktuelle språket er vald. Trykk need another language viss du ønskjer eit anna språk.

Windows

Opna staden der .msi-fila er lagra og køyr installeringsprogrammet (dobbeltklikk på det). Følj instruksjonane.

MacOS

Opna staden der .dmg-fila er lagra og køyr installeringsprogrammet. Følj instruksjonane. Når installasjonsvindauget kjem fram, dra og slepp LibreOffice-ikonet inn i Applications-ikonet.

DEB-installar

Installaren .deb er meint for Ubuntu-baserte Linux-distribusjonar og er tilgjengeleg som ei .tar.gz komprimert fil.

Last ned .tar.gz-fil og ekstraher ho. Du vil då finna .deb-fila i mappa DEBS.

Opna Terminal-programmet og bruk cd-kommanden for å navigera til mappa som .deb-fila er og køyr denne kommandoen:

$ sudo dpkg -i libobasis7.6-en-us-help_7.6.4.1-1_amd64.deb

Namnet på den nedlasta fila inneheld versjonsnummeret, og kan difor vera annleis enn slik det er vist i eksempelet over.

RPM-installar

Installaren .rpm er meint for Red Hat-baserte Linux-distribusjonar og er tilgjengeleg som ei .tar.gz komprimert fil.

Last ned .tar.gz-fil og ekstraher ho. Du vil då finna .rpm-fila i mappa RPMS.

Opna Terminal-programmet og bruk cd-kommanden for å navigera til mappa som .rpm-fila er og køyr denne kommandoen:

$ sudo rpm -i libobasis7.6-en-US-help-7.6.4.1-1.x86_64.rpm

Når alt er installert, starta LibreOffice på nytt for å ta i bruk den innebygde hjelpa.

Installera frå tredjeparts lagringsstader

Linux-distribusjonane har til vanleg sine eigne LibreOffice-pakkar. Korleis du installerer den innebygde hjelpa er difor avhengig av distribusjonen som er brukt.

Instruksjonane nedanfor gjeld for hjelp-pakkene som vert leverte av Ubuntu og Fedora.

Ubuntu-baserte distribusjonar

Opnae Terminal-programmet og køyr kommandoen nedanfor (eksempelet installerer innebygd hjelp for en_US):

$ sudo apt install libreoffice-help-en-us

Fedora

Opnae Terminal-programmet og køyr kommandoen nedanfor (eksempelet installerer innebygd hjelp for en_US):

$ sudo dnf install libreoffice-langpack-en

Snap-pakker

LibreOffice sine snap-pakker vert leverte med den innebygde hjelpa installert på mange språk.

Hjelp i LibreOffice