Relasjonar

Denne kommandoen opnar vindauget Relasjonsoppsett, som let deg bestemma samanhengar imellom ulike databasetabellar.

Her kan du lenkja saman tabellar frå databasen via felles datafelt. Trykk på Ny relasjon for å laga relasjonen, eller dra og slepp ved hjelp av datamusa.

For å bruka denne funksjonen …

Vel Verktøy → Relasjonar i eit databasefilvindauge.


Merknadsikon

Denne funksjonen er berre tilgjengeleg viss du arbeider med ein relasjonsdatabase.


Når du vel Verktøy → Relasjonar kjem det opp eit vindauge der alle eksisterande relasjonar mellom tabellane i den gjeldande databasen vert viste. Viss ingen relasjonar er angjeve, eller viss du vil relatera andre tabellar i databasen til kvarandre, klikk på ikonet Legg til tabellar. Dette vil opna vindauget Legg til tabellar der du kan velja kva for tabellar som skal brukast for å laga ein relasjon.

Ikon for Legg til tabell

Set inn tabellar

Merknadsikon

Viss vindauget Relasjonsutforming er ope, kan ikkje dei valde tabellane forandrast, sjølv i Lag tabell-modus. Dette forsikrar at tabellar ikkje vert endra medan relasjonane vert oppretta.


Dei valde tabellane vert viste i toppområdet av relasjonsvisinga. Du kan lukke eit tabellvindauge via sprettoppmenyen eller med Delete-tasten.

Flytta tabellar og endra storleik på dei

Du kan endra storleiken på og sortera tabellar for å få dei slik du vil ha dei. For å flytta ein tabell, dreg du den øvste kanten til ønskt plassering. Du forstørrar eller forminskar storleiken tabellen vert vist i ved å plassera musepeikaren på ein kant eller eit hjørne og dra i tabellen til han har ønskt storleik.

Primærnøkkel og framande nøklar

Viss du vil definera ein relasjon mellom dei ulike tabellane, bør du skriva inn ein primærnøkkel som identifiserer eit datafelt i den eksisterande tabellen. Du kan referera til primærnøkkelen frå andre tabellar for å få tilgang til data frå denne tabellen. Alle datafelt som refererer til denne primærnøkkelen vert identifisert som ein framand nøkkel.

Alle datafelta som refererer til ein primærnøkkel, vert identifiserte i tabellvindauget av eit lite nøkkelsymbol.

Sletta relasjonar

Alle eksisterande relasjonar vert viste i relasjonsvindauget med ei linje som bind saman det primære og framande nøkkelfelt. Du kan leggja til ein relasjon ved å bruka dra og slepp for å droppe feltet frå ein tabell på feltet i den andre tabellen. Ein relasjon vert fjerna igjen ved å merkja han og trykkja på Delete-tasten.

Alternativt kan du også klikka på ikonet Ny relasjon i toppområdet av relasjonsfeltet og angje relasjonen mellom to tabellar i dialogvindauget Relasjonar.

Ikon for ny relasjon

Ny relasjon

Åtvaringsikon

Viss du brukar LibreOffice som grenseflate for ein relasjonsdatabase, vert ikkje opprettinga og slettinga av forhold lagra i eit mellomliggjande minne av LibreOffice, men vert sendt vidare direkte til databasen.


Ved å dobbeltklikka på ei samankoplingslinje kan du tildela bestemte eigenskapar til relasjonen. Dialogvindauget Relasjonar vert vist.

Støtt oss!