HTML-eksport - side 2

Bestemmer kva publikasjonstype som skal brukast.

Du kan velja om du vil ta med rammer, laga in tittelside eller vise presentasjonsnotat.

Publikasjonstype

Bestemmer dei grunnleggjande innstillingane for eksporten.

Standard HTML-format

Lag HTML-sider av sidene som vert eksporterte.

Standard HTML med rammer

Lag rammer. Den eksporterte sida vert plassert i hovudramma. Ramma til venstre viser ei innhaldsliste med hyperlenkjer.

Lag tittelside

Lag ei tittelside til dokumentet.

Vel om notata òg skal visast.

Automatisk

Lagar ein standard-HTML-presentasjon som ein såkalla kioskeksport. Dette er ei automatisk vising der bileta vert viste ei bestemt tid.

Som sagt i dokumentet

Lysbileteovergangen er styrt av tida du set av til kvart lysbilete i presentasjonen. Dersom du vel ein manuell sideovergang, kjem HTML-presentasjonen til å visa ei ny side når du trykkjer på kva tast som helst på tastaturet.

Automatisk

Sideovergangen skjer automatisk etter tida som er sett og er ikkje avhengig av innhaldet i presentasjonen.

Visingstid for lysbilete

Vel kor lenge kvart lysbilete vert vist.

Uendeleg

Start HTML-presentasjonen om igjen automatisk etter at siste lysbiletet er vist.

Nettkringkasting

Når eksport for nettkringkasting vert brukt, vert det automatisk laga skript med støtte for Perl eller ASP. På denne måten kan talaren (for eksempel ein talar på ein telefonkonferanse, som køyrer ei lysbiletframvising på Internett) endra lysbileta i nettlesarane til publikum. Du finn meir informasjon om nettkringkasting seinare i denne delen.

Active Server Pages (ASP)

Dette valet gjer at WebCast export lagar ASP-sider når du vel ASP. Merk at denne HTML-presentasjonen berre vil verka på vevtenarar som har støtte for ASP.

Perl

Dette valet vert brukt av programmet for nettkringkasting til å eksportera sider i HTML-format og som Perl-skript.

Nettadresse for lyttarar

Skriv inn ein nettadresse (absolutt eller relativ) som lesaren av presentasjonen skal skriva inn for å kunna sjå presentasjonen.

Nettadresse for presentasjon

Skriv inn ein nettadresse (absolutt eller relativ) der HTML-presentasjonen skal lagrast på nettenaren.

Nettadresse for Perl-skript

Skriv inn ei nettadresse (absolutt eller relativ) for Perl-skripta som vert laga.

Meir informasjon om nettkringkastingseksport

Det finst to nettkringkastingsteknologiar du kan bruka til å eksportera LibreOffice Impress-presentasjonar: Active Server Pages (ASP) og Perl.

Nettkringkasting i ASP

Eksportera

• Når du skal eksportera til ASP, vel du Fil → Eksporter i eit LibreOffice Impress-dokument. Då kjem dialogvindauget Eksporter fram. Her vel du HTML-dokument som filtype. Når du har vald ei mappe og skrive inn filnamnet, trykkjer du på Eksporter. Vi rår til at du gjev HTML-fila eit «hemmeleg» filnamn når du eksporterer til ASP (du finn meir informasjon om dette nedanfor). Dialogvindauget HTML-eksport vert synleg. Nå vil fleire filer verta skrivne til mappa du har vald.

• Føredragshaldaren brukar filnamnet som er skriv inn til å gå gjennom lysbileta som vert viste for publikum. Du kan lagra filene for nettkringkasting lokalt, eller lasta dei direkte opp til ein HTTP-tenar. Filer som er lagra lokalt, kan også overførast til ein HTTP-tenar via FTP seinare. Ver merksam på at nettkringkasting berre verkar viss filene vert henta frå ein HTTP-tenar.

Du kan ikkje lagra to ulike HTML-eksporter i den same mappa.

• Vel Nettkringkasting som publikasjonstype på side to i vegvisaren for HTML-eksport.

• I delen «Nettpublisering» merkjar du av for Active Server Pages (ASP). Nå kan du halda fram med å velja fleire innstillingar, eller du kan byrja eksporten direkte ved å trykkja på Lag-knappen.

Slik brukar du nettkringkasting med ASP

Du kan bruka nettkringkasting så snart dei eksporterte filene er tilgjengelege på ein HTTP-tenar.

Eksempel:

Lat oss seia at du har installert Microsoft Internet Information Server (IIS) på datamaskinen. Då du sette opp IIS, valde du mappa «C:\Inet\wwwroot\presentasjon» som målmappe for HTML-filer. I dette eksempelet går vi ut frå at nettadressa til datamaskinen du brukar, er «http://mintenar.no».

• Filene som vart laga ved hjelp av vegvisaren for HTML-eksport er lagra i mappa «C:\Inet\wwwroot\presentasjon\». Denne mappa inneheld ei HTML-fil som er laga ved hjelp av vegvisaren, for eksempel med filnamnet «hemmeleg.htm». Dette er namnet du skreiv inn i dialogvindauget «Eksporter» (sjå over). Nå kan føredragshaldaren bla til dei eksporterte HTML-filene ved å skriva inn nettadressa «http://mintenar.no/presentasjon/hemmeleg.htm» i ein nettleser som har støtte for JavaScript. Nå kan føredragshaldaren gjera endringar på sida ved hjelp av nokre skjemakontrollar.

Nå kan publikum sjå lysbiletet som føredragshaldaren har vald ved å gå til nettadressa«http://mintjener.no/presentasjon/webcast.asp». Publikum kan ikkje gå til andre lysbilete på denne nettadressa uten at dei veit kva filnamn lysbiletet har. Difor bør HTTP-tenaren setjast opp slik at han ikkje viser innhaldet i mappa.

Nettkringkasting med Perl

Eksportera

• Når du skal eksportera, vel du Fil → Eksporter i eit LibreOffice Impress-dokument. Då kjem dialogvindauget Eksporter fram. Her vel du HTML-dokument som filtype. Når du har vald ei mappe og skrive inn eit filnamn, trykkjer du på Eksporter. Då vert vegvisaren for HTML-eksport opna. Nå vil nokre filer verta skrivne til mappa du har vald.

• Det innskrivne filnamnet vert brukt av føredragshaldaren for å byte lysbilete. Du bør difor laga eller velja ei tom mappe til å lagra filene i.

• Vel Nettkringkasting som publikasjonstype på side to i vegvisaren for HTML-eksport.

• I delen «Nettpublisering» merkjar du av for Perl.

• I tekstfeltet Nettadresse for lyttarar skriv du inn filnamnet til HTML-dokumentet som publikum skal ha tilgang til. I URL for presentasjon skriv du inn nettadressa til mappa som skal brukast i presentasjonen, og i Nettadresse for Perl-skript skriv du inn nettadressa til mappa med CGI-skript. Nå kan du gjera fleire innstillingar på dei neste sidene i vegvisaren eller starta eksporten ved å trykkja på knappen Lag.

Bruka nettkringkasting med Perl

Nå må du setja opp filene som vart laga med vegvisaren for HTML-eksport på ein HTTP-tenar som har støtte for Perl. Dette kan ikkje gjerast automatisk fordi det finst mange ulike HTTP-tenarar som har støtte for Perl. Nedanfor finn du ein generell omtale av stega du må gå gjennom. Sjå i dokumentasjonen for tenaren eller ta kontakt med nettverkadministratoren for å finna ut korleis desse stega skal utførast på tenaren du brukar.

• Først bør du flytta filene som vart laga under eksporten, til rett mappe på HTTP-tenaren.

• Flytt alle filene med filtypen HTM, JPG og GIF til den mappa på HTTP-tenaren som tekstfeltet Nettadresse for presentasjon viser til.

• Alle filene med filtypen PL og TXT må flyttast til den mappa på HTTP-tenaren som tekstfeltet Nettadresse for Perl-skript viser til. Denne mappa må setjast opp på ein slik måte at Perl-skripta i mappa også kan køyrast av ei HTTP-spørjing.

• På UNIX-system må filer med filtypen PL gjerast køyrbare for HTTP-tenaren. Dette vert til vanleg gjort med kommandoen «chmod». Dessutan må fila «currpic.txt» gjerast skrivbar for HTTP-tenaren.

Nå skal du kunna bruka nettkringkasting.

Eksempel:

I dette eksempelet går vi ut frå at du brukar ein HTTP-tenar på ein datamaskin med Linux. Nettadressa til HTTP-tenaren er «http://mintenar.no» og målmappa for HTML-dokument er «//usr/local/http/». Perl-skripta er i mappa«//usr/local/http/cgi-bin/». Skriv inn «hemmeleg.htm» som namn på eksportfila og «presentasjon.htm» som Nettadresse for lyttarar. I tekstfeltet Nettadresse for presentasjon skriv du inn «http://mintenar.no/presentasjon/» og i Nettadresse for Perl-skript skriv du inn «http://mintenar.no/cgi-bin/».

• Nå må du kopiera alle filer med filtypen HTM, JPG og GIF frå mappene som vart spesifiserte for HTML-eksport til mappa«//usr/local/http/presentation/» på HTTP-tenaren, og kopiera alle filer med filtypen PL og TXT til mappa «//usr/local/http/cgi-bin/».

• Logg deg på tenaren som «root» og gå til mappa «//usr/local/http/cgi-bin/». Bruk kommandoen «chmod» til å setja dei tilsvarande rettane.

Når du er ferdig med å installera Perl-filene, kan føredragshaldaren visa presentasjonen. Publikum kan sjå denne presentasjonen på nettadressa «http://mintenar.no/presentasjon/presentasjon.htm».