Hjelp i LibreOffice

Hjelpesidene for LibreOffice vert viste i den nettlesaren du har sett som standard.

Eigenskapar for LibreOffice sine hjelpesider

Modulliste

Trykk på nedoverpila like etter ordet «Modul» oppe til venstre på sida for å opna nedtrekkslista og trykk på LibreOffice-modulen for å visa opningssida for hjelp for modulen.

Språklista (berre for hjelp via nettet).

Berre tilgjengeleg i nettversjonen. Vel språket for visinga av den gjeldande hjelpsida.

Hjelpindeks

Hjelpindeksen viser ei liste over nøkkelord for alle LibreOffice-modulane. Trykk på eit nøkkelord i lista for å opna den aktuelle hjelpsida.

Søkja i hjelpindeksen

Skriv inn søkjeordet i tekstvindauget. Søket vert utført medan du skriv.

Søkjeresultata vert viste som ei filtrert liste over treff grupperte etter modulnamn. Resultata tek også med nesten-treff. Dei delane av treffa som passar, er utheva for kvart resultat.

Overskrifta GLOBAL indikerer samsvar med søkjeord som er relevante for fleire LibreOffice-modular. For eksempel gjeld cellegrenser både reknearkceller, tekst- og presentasjonstabellceller og rammer.

Bruk pilsymbola nedst på indekssida for å rulla framover og bakover i indekspostane eller i det filtrerte resultatet.

Innhald – Hovudemna i hjelp

Viser ein indeks over hovudemna i alle modulane.

• Dobbeltklikk på ei lukka mappe (⊞) for å opna ho og visa undermappene og hjelpesidene.

• Dobbeltklikk på ei ope mappe (⊟) for å lukka ho og gøyma undermappene og hjelpesidene.

• Klikk på ei lenkje for å visa den tilhøyrande hjelpsida.

Bruka nettlesaren for LibreOffice-hjelp

Navigera i hjelpesidene

Bruk Tilbake- og Fram-knappane i nettlesaren for å bytte mellom sidene. I dei fleste nettlesarane kan du halde museknappen nede ei stund (eller høgreklikka) når musepeikaren er over Tilbake-knappen for å få fram ei nedtrekksliste over sider som har vore opna tidlegare. Held du musepeikaren over Fram-knappen, får du opp ei liste over sider som er opna etter den gjeldande sida.

Bokmerk hjelpesider

Bruk bokmerke-funksjonen i nettlesaren for å få rask tilgang til relevante hjelpesider. Slik kan du bokmerka ei side i dei fleste nettlesarane:

1. Opna bokmerkemenyen i nettlesaren.

2. Vel Legg til bokmerke eller

   Trykk + D i dei fleste nettlesarane.

3. Skriv inn namnet, mappa og eit meiningsfylt merke for bokmerket.

4. Lukk dialogvindauget for bokmerke.

Logg over hjelpesider

Kvar hjelpeside som er opna vert registrert i historikken til nettlesaren. Slik kan du opna historikken:

1. Vel menyen Historikk.

2. Vel Vis historikk.

3. Klikk på ei oppføring i hovudsida for historikken for å opna den tilsvarande hjelpsida.

Kopiera hjelpeinnhaldet til utklippstavla

Du kan kopiera innhald frå hjelpsida til utklippstavla i operativsystemet ved hjelp av dei vanlege kommandoane i operativsystemet. For eksempel:

1. Merk teksten på hjelpesida du vil kopiera.

2. Trykk + C.

I nokre tilfelle kan innhaldet på hjelpesidene kopierast til systemutklippstavla med berre eitt museklikk. I desse tilfella kjem det opp ei infoboble når du held musepeikaren over innhaldet. For eksempel kan denne linja kopierast:

=SUMMER(A1:A10)

Søk på den gjeldande sida

Slik søkjer du i den viste hjelpesida:

1. Opna søkjeverktøyet i nettlesaren din, som til vanleg er tilgjengeleg ved å bruka snarvegen + F.

2. I skrivefeltet Søk etter skriv du inn kva du ønskjer å finna.

3. Vel søkjeinnstillingane som skal brukast.

4. Trykk Enter.

For å finna det førre tilfellet av søkjeteksten på sida, trykk på Pil opp. For å finna den neste, trykk på Pil ned.

Generell innhaldsinformasjon