Komprimer
Komprimerer det merkte biletet for å redusera datastorleiken og endra storleiken i dokumentet.
Biletkomprimering er eit slag datakomprimering brukt på digitale bilete for å redusera lagringsstorleiken og overføringstida. Komprimeringa kan ta omsyn til visuell persepsjon og statistiske eigenskapar for biletdataa for å ta vare på informasjonskvaliteten.
Biletkomprimering kan vera med tap eller tapsfri. Tapsfri komprimering gjer at det originale biletet vert perfekt rekonstruert frå dei komprimerte dataa. Komprimering med tap vert berre ein tilnærma rekonstruksjon av det opphavlege biletet, og har difor noko tap av kvalitet, men til vanleg med forbetra komprimering (og difor mindre filstorleikar).
Komprimering
JPEG-kvalitet
Bruk glidebrytaren for å bestemma kvalitetsnivået på JPEG-komprimeringa, frå 0 til 100. 100 betyr uendra kvalitet, medan 0 vil gi eit svært dårleg bilete. Standardverdien 90 gjev eit svært godt resultat med merkbar endring av filstorleiken.
Komprimeringsverdien er ikkje standardisert i dei ulike programma som handsamar JPEG-bilete.
PNG-komprimering:
Sidan PNG-komprimeringa skjer utan tap, er hovudgrunnen for å bruka ein verdi mindre enn 9 at ein treng å gjera storleiken på dokumentet mindre ved lagring på ein sein datamaskin. Dekomprimeringa er uavhengig av komprimeringsverdien.
Oppløysing
Reduser biletoppløysinga
Merk av for å endra storleiken på det komprimerte biletet.
Breidd, høgd
Bruk talknappane for å setja breidd og høgd på det komprimerte biletet.
Oppløysing
Vel pikseltettleiken (dot per inch - DPI) til biletet i nedtrekkslista.
Interpolering
Vel algoritmen som skal brukast ved interpolering av pikslane.
Biletinformasjon
Rekn ut ny storleik
Trykk for å rekna ut storleiken på biletet ut frå innstillingane i dialogvindauget.