Verna ark

Vernar cellene i det gjeldande arket mot å verta endra.

Vel Verktøy → Vern ark for å opna dialogvindauget Vern ark der du kan spesifisera arkvernet med eller utan passord, og merkja elementa i arket som skal vernast.

For å verna celler mot vidare redigering, må avkryssingsfeltet Verna i Format → Celler → Cellevern eller fana i sprettoppmenyen Formater celler vera avkryssa.

Vern dette arket og innhaldet i dei verna cellene

Merk dette avkryssingsfeltet for å slå på vern av arket og celleinnhaldet.

Passord / Stadfest

Let deg skriva inn eit passord for å verna arket mot uautoriserte endringar. Stadfest passordet som vart skrive i det første feltet.

Lat alle som brukar dette arket få lov til å

Vel elementa som skal vernast mot brukarhandlingar:

• Marker verna celler: marker dette avkryssingsfeltet slik at du kan merkja verna celler. Er dette feltet ikkje avkryssa, kan du ikkje merkja verna celler og markøren kan ikkje gå inn i eit verna område.

• Marker celler som ikkje er verna: marker dette avkryssingsfeltet slik at du kan merkja celler som ikkje er verna. Er dette feltet ikkje avkryssa, kan brukaren ikkje merkja celler som ikkje er verna og markøren kan ikkje gå inn i celler eller område som ikkje er verna.

• Set inn kolonnar: Tillet innsetjing av kolonnar sjølv når arket er verna. Legg merkje til at når innsetjing av kolonnar er slått på, kan du setja inn kolonnar sjølv om området dei skal setjast inn i inneheld verna celler som vert flytte ved innsetjinga. Celler i dei nyleg innsette kolonnane arvar verne-eigenskapen for området dei høyrer til: når den nye cella er innføre eit verna område, er cella verna, og når ho er i eit område som ikkje er verna, er også cella utan vern.

• Set inn rader: Tillet innsetjing av rader sjølv når arket er verna. Legg merkje til at når innsetjing av rader er slått på, kan du setja inn rader sjølv om området dei skal setjast inn i inneheld verna celler som vert flytte ved innsetjinga. Celler i dei nyleg innsette radene arvar verne-eigenskapen for området dei høyrer til: når den nye cella er innføre eit verna område, er cella verna, og når ho er i eit område som ikkje er verna, er også cella utan vern.

• Slett kolonnar: Tillet sletting av kolonnar. Merk at sletting av kolonnar berre kan gjerast på celler som ikkje er verna.

• Slett rader: Tillet sletting av rader. Merk at sletting av rader berre kan gjerast på celler som ikkje er verna.

Celler eller celleområde som ikkje er verna, kan setjast inn i eit verna ark med menyane Verktøy → Vern ark og Format → Celler → Cellevern:

1. Marker dei cellene som ikkje skal ha vern

2. Vel Format → Celler → Cellevern. Fjern markeringa i feltet Verna og klikk OK.

3. Slå på vern for ark frå menyen Verktøy → Vern ark. Vernet vert slått på straks. Berre celler du merkte i steg 1 kan redigerast.

Slik kan du seinare endra eit område som ikkje er verna til eit verna område:

1. Merk dei cellene som skal vernast.

2. Merk av for Vern i fana Format → Celler → Cellevern.

3. Vel menyen Verktøy → Vern ark. Området som tidlegare kunne redigerast er no verna.

Arkvernet verkar også inn på sprettoppmenyen i arkfanene nedst på arket. Kommandoane Slett og Gje nytt namn er slått av.

Dersom eit ark er verna, kan du ikkje endra eller slette cellestilar.

Det er ikkje råd å gjera endringar i eit verna ark eller celleområde før vernet er slått av igjen, med unnatak av innstillingane for kolonnar og rader i dialogvindauget Verktøy → Vern ark. For å slå av vernet, vel kommandoen Verktøy → Vern ark. Dersom det ikkje er brukt passord for funksjonen, vert vernet fråkopla når du klikkar i menyen. Dersom det er brukt passord, vil dialogvindauget Fjern vern dukka opp slik at du kan skriva inn passordet.

Når eit verna ark er lagra, kan det berre lagrast på nytt ved å bruka kommandoen Filer → Lagra som.

Du kan verna heile arbeidet ditt ved å kombinera dei to vala i menyen Verktøy → Vern ark og Verktøy → Vern reknearkstrukturen og i tillegg bruka passord. Dette gjer du ved å merkja av for Lagra med passord i dialogvindauget Lagra før du klikkar på knappen Lagra.