Innstillingar
Vel alternativa for automatisk retting av skrivefeil medan du skriv og trykk OK.
Erstatningstabell
Dersom du skriv inn ein bokstavkombinasjon som svarar til ein snarveg i erstatningstabellen, vert bokstavkombinasjonen byt ut med erstatningsteksten.
Rett opp to STore BOkstavar først i orda
Viss du skriv inn to store bokstavar først i eit «ORd», vil den andre store bokstaven automatisk verta erstatta med ein liten bokstav.
Det vert ikkje gjort retttingar i oppføringar som finst i ei gjeldande ordliste for stavekontroll.
Stor bokstav først i alle setningar.
Gjer at alle setningar byrjar med ein stor bokstav.
Den første bokstaven i ei Calc-celle vert aldri gjort om til stor bokstav automatisk.
Automatisk *halvfeit*, /kursiv/, -gjennomstreka- og _understreka_
Legg automatisk til halvfeit, kursiv, gjennomstreking og understreking til tekst som er omslutta av stjerner (*), skråstrekar (/), bindestrekar (-) eller understreking (_). Desse teikna forsvinn når formateringa er lagt til.
Denne funksjonen verkar ikkje viss formateringsteikna * / - _ er sett inn med ein skrivemetode.
Adresse-gjenkjenning
Opprettar automatisk ei hyperlenkje når du skriv inn ei nettadresse.
Byt ut bindestrekar
Erstattar ein eller to bindestrekar med ein tankestrek (sjå tabellen under).
Tekst vert erstatta etter at du har skrive inn eit blankt teikn (mellomrom, tabulator eller linjeskift). I tabellen nedføre representerer A og B tekst som er sett saman av bokstavane A til z eller sifra 0 til 9.
|
Tekst som du skriv inn: |
Resultatet du får: |
|---|---|
|
A - B (A, mellomrom, minus, mellomrom, B) |
A – B (A, mellomrom, tankestrek, mellomrom, B) |
|
A -- B (A, mellomrom, minus, minus, mellomrom, B) |
A – B (A, mellomrom, tankestrek, mellomrom, B) |
|
A--B (A, minus, minus, B) |
A—B (A, lang tankestrek, B) |
|
N--N (N, minus, minus, N) |
N–N (N, tankestrek, N) |
|
A-B (A, minus, B) |
A-B (uendra) |
|
A -B (A, mellomrom, minus, B) |
A -B (uendra) |
|
A --B (A, mellomrom, minus, minus, B) |
A –B (A, mellomrom, tankestrek, B) |
Viss teksten har ungarsk eller finsk språk-attribut, vert to bindestrekar i sekvensen A--B erstatta med ein vanleg tankestrek i staden for ein lang tankestrek.
Ignorer doble mellomrom
Erstattar to eller fleire etterfølgjande mellomrom med eitt enkelt mellomrom.
Rett opp i feil bruk av tasten Caps Lock
Inverterer eit ord med store bokstavar skrive med tasten Caps Lock i bruk, etter at det er skrive eit mellomrom og du slår av tasten Caps Lock. Viss du for eksempel skriv Libre med tasten Caps Lock slått på, vert det vist som lIBRE, som automatisk vert konvertert til Libre.
Automatisk nummerering vert bruk berre på avsnitt formatert med avsnittsstilane «Standard avsnittsstil», «Brødtekst» og «Brødtekst, innrykt».
Bruk kantlinjer
Legg automatisk til ein kant nedst i det førre avsnittet og deretter skriv inn tre eller fleire bestemte teikn og deretter trykkje Enter.
-
For å laga ei enkelt linje, skriv du to eller fleire bindestrekar (-) eller understrekingar (_) og trykkjer så på Enter. For å laga ei dobbeltlinje skriv du tre eller fleire likskapsteikn (=), stjerner (*), tilder (~) eller hash-merkje (#) og trykker så på Enter.
Denne tabellen viser kva slag linjebreidder dei ulike teikna gjev:
|
--- |
0,05 pkt. enkel understreking |
|
___ |
1,0 pkt. enkel understreking |
|
=== |
1,0 pkt. dobbel understreking |
|
*** |
4,0 pkt tykk-tynn dobbel understreking |
|
~~~ |
4,0 pkt tykk-tynn dobbel understreking |
|
### |
2,5 pkt. dobbel understreking |
-
For å endra innstillingane for ein tidlegare definert kant, for eksempel farge, stil, breidde og skugge, trykk på avsnittet over linja og vel fana .
-
For å sletta den nye linja, klikk på avsnittet over linja, gå til Format → Avsnitt → Kantlinjer og slett den nedste kantlinja.
Viss du vil fjerna ei linje som er oppretta med «Bruk kantlinje», set du markøren over linja og trykker på + M.
Bruk stilar
Bruk automatisk ein stil frå «Overskrift 1» til «Overskrift 8» på ein tekst som byrjar med ein stor bokstav og som ikkje sluttar med eit punktum.
For å få stilen frå «Overskrift 1» skriv du inn teksten du vil ha som overskrift og trykkjer så to gonger på Enter.
For å få andre «Overskrift N»-stilar, trykk Tabulatortasten N-1 gonger før du skriv inn teksten for å nå til det ønskte nivået. For å få avsnittsstilen frå «Overskrift 4», trykk Tabulatortasten tre gonger, skriv overskrifta og trykk Enter to gonger.
Denne funksjonen fungerer berre med avsnittsstilane «Standard avsnittsstil», «Brødtekst» og «Brødtekst innrykka». Det må vera eit tomt avsnitt før teksten viss teksten ikkje er øvst på sida.