Posisjon og storleik

Forankring

Vert brukt for å setja vala for forankring av valde objekt eller rammer. Vala for forankring er ikkje tilgjengeleg når du opnar dialogvindauget ved hjelp av stilhandsamaren.

Til side

Forankrar utvalet til den gjeldande sida.

Til avsnitt

Forankrar utvalet til det gjeldande avsnittet.

Til teikn

Forankra utvalet til eit teikn. Dette er standard for bilete.

Som teikn

Forankrar utvalet som eit teikn. Høgda på den gjeldane linja vert endra for å passa høgda på utvalet.

Posisjon

Vert brukt for å bestemma kor dei markerte objekta skal plasserast på den gjeldande sida.

Vassrett

Vel vassrett justering for objektet. Det merkte området spesifiserer plasseringa av objektet i høve til området eller referanselinja som er vald i nedtrekkslista Til. Dette alternativet er ikkje tilgjengeleg viss Forankra som teikn er vald.

med

Skriv inn kor mykje plass det skal vera mellom den venstre kanten av det valde objektet og referansepunktet som er vald i Til. Dette valet er berre tilgjengeleg om du har vald «Frå venstre» i boksen Vassrett.

til

Vel regionen eller referanselinja for den valde vassrette justeringa. Desse vala er tilgjengelege:

• Avsnittsområde: objektet er plassert med tanke på hele den tilgjengelege breidda for avsnittet, også innrykka mellomrom.

• Avsnittstekstområde: objektet er plassert med tanke på hele den tilgjengelege breidda for tekst i avsnittet, ikkje medrekna innrykka mellomrom.

• Til venstre for avsnittstekstområdet: objektet er plassert i området frå venstre tekstgrense til det første teiknet på venstre kant av den forankra avsnittsteksten. For avsnitt med fleire kolonnar, er regionen definert i forhold til kolonnen der ankeret er plassert. Når ankeret ikkje er plassert i den første kolonnen, byrjar området i den venstre kolonnemargen.

• Til høgre for avsnittstekstområdet: objektet er plassert i området frå det siste teiknet til den høgre kanten av den forankra avsnittsteksten. For avsnitt med fleire kolonnar, er regionen definert i forhold til kolonnen der ankeret er plassert. Når ankeret ikkje er plassert i den siste kolonnen, sluttar området ved den høgre kolonnemargen.

• Tekstområdet til venstre på sida: objektet er plassert i området mellom venstre kant av sida og den venstre margen pluss eventuell sideutfylling til venstre.

• Tekstområdet til høgre på sida: objektet er plassert i området mellom den høgre kanten av sida og den høgre margen pluss eventuell sideutfylling til høgre .

• Heile sida: objektet vert plassert i forhold til heile breidda på sida, frå venstre til høgre sidekantar.

• Sidetekstområde: objektet er plassert i forhold til heile breidd som er tilgjengelig for tekst på sida, frå venstre til høgre sidemargar.

• Teikn: objektet er plassert i forhold til det vassrette rommet som er brukt av teiknet.

Ver merksam på at settet med tilgjengelege innstillingar avhenger av ankerinnstillingane. Difor kan det hende at ikkje alle innstillingane som er oppførte ovanfor vert viste på grunn av gjeldande ankerval.

Spegelvend på partalssider

Spegelvender dei gjeldande innstillingane for vassrett justering på partalssider.

Loddrett

Vel loddrett justering for objektet. Utvalet spesifiserer posisjonen til objektet i høve til området eller referanselinja som er vald i nedtrekkslista Til.

med

Skriv inn kor mykje plass det skal vera frå den øvre kanten av objektet til området eller referanselinja som er vald i nedtrekkslista til. Dette alternativet er berre aktivt når dei føljande kombinasjonane av Loddrett og Anker er vald. For disse kombinasjonane kan du spesifisere kor mykje plass du vil ha frå:

Loddrett		med anker
Ovanfrå	Øvste kant av det merkte området. Positive verdiar flyttar objektet ned, negative verdiar opp.	Til side, Til avsnitt, Til teikn eller Til ramme
Nedanfrå	Vald referanselinje. Positive verdiar flyttar objektet opp, negative verdiar ned.	Til teikn eller Som teikn

til

Vel regionen eller referanselinja for den loddrette justeringa Objektet kan plasserast i høve til følgjande regionar eller referanselinjer:

• Marg: Avhengig av forankringstypen, vert objektet plassert i høve til avstanden mellom toppmargen og teiknet («Til-teikn»-forankringa) eller den nedre kanten av avsnittet («Til-avsnitt»-forankringa) der ankeret er plassert.

• Avsnittstekstområde: objektet er plassert i høve til høgda på avsnittet der ankeret er plassert.

• Heile sida: objektet er plassert i høve til heile sidehøgda, frå øvre til nedre sidekantar.

• Sidetekstområdet: objektet vert sett inn frå nedre kant av den øvre fyllavstanden til øvre kant av den nedre fyllavstanden.

• Teikn: berre tilgjengeleg for forankring «Til teikn» eller «Som teikn». Objektet er plassert i høve til området mellom den øvste og nedste kanten av teiknet rett før der ankeret er plassert. Eit teikn som er formatert med ei felles kantlinje med andre teikn eller objekt, brukar området for det høgaste teiknet eller objektet i den felles grensa.

• Tekstlinje: berre tilgjengeleg for forankring «Til teikn». Objektet er plassert i høve til høgda på tekstlinja der ankeret er plassert.

• Botnlinje: bere tilgjengeleg ved forankring «Som teikn». Denne innstillinga plasserer objektet i høve til botnlinja som alle teikna er plasserte på.

• Rad: berre tilgjengeleg ved forankring «Som teikn». Denne innstillinga plasserer objektet i høve til høgda på den rada ankeret er plasserte på.

• Heile ramma: berre tilgjengeleg for forankring «Til ramme», dei ytre kantane av ramma.

• Rammetekstområdet: berre tilgjengeleg for forankring «Til ramme», dei ytre kantane av ramma.

Hald innføre tekstgrensene

Held det valde objektet innføre stilgrensene for teksten objektet er forankra til. Ønskjer du å plassera objektet kvar som helst i teksten, må du ikkje bruka dette valet.

Som standard er Hald innføre tekstgrensene vald når du opnar eit dokument som er oppretta i ein versjon av Writer eldre enn OpenOffice.org 2.0. Dette gjeld ikkje når du opprettar eit nytt dokument eller når du opnar eit dokument i Microsoft Word-formata (*.doc og *.docx).