Stil

Bruk denne kommandoen for raskt å ta i bruk skriftstilar for eit tekstutval.

For å bruka denne funksjonen …

Opna sprettoppmenyen og vel Stil.

Om du plasserer skrivemerket i eit ord utan at noko er markert, vert skriftstilen brukt på heile dette ordet. Er skrivemerket ikkje i eit ord, og ingen tekst er markert, vert skriftstilen brukt på den teksten du skriv inn.

Halvfeit

Gjer den merkte teksten om til halvfeit skrift. Viss skrivemerket er i eit ord vert heile ordet i halvfeit skrift. Viss den merkte teksten eller ordet allereie er halvfeit, så vert formateringa fjerna.

Kursiv

Gjer den merkte teksten om til kursiv skrift. Viss skrivemerket er i eit ord vert heile ordet i kursiv. Viss den merkte teksten eller ordet allereie er i kursiv så vert formateringa fjerna.

Viss tekstmarkøren ikkje er inne i eit ord, og ingen tekst er markert, vert skriftstilen brukt på den nye teksten du skriv inn.

Understrek

Understrekar eller fjernar understreking frå den merkte teksten.

Gjennomstreking

Teiknar ein strek gjennom den merkte teksten. Viss markøren er i eit ord, vil streken gå gjennom heile ordet.

Skuggar

Legg ein skugge til den merkte teksten. Viss skrivemerket er i eit ord, vert det lagt skugge til heile ordet.

Heva skrift

Gjer skrifta i den valde teksten mindre og hevar teksten frå grunnlinja.

Senka skrift

Gjer skrifta i den valde teksten mindre og senkar teksten under grunnlinja.