Skildring
Inneheld skildringar av dokumentet.
LibreOffice støttar Dublin Core Metadata Element Set, eit standardisert sett med metadataelement som vert brukte til å beskriva fysiske og elektroniske dokument.
Tittel, Emne og Nøkkelord vert eksporterte til PDF-filer som eigenskapar i PDF-dokumentet. Innskrivne verdiar vert eksporterte og vert viste i dei tilsvarande felta i «PDF Document Properties Description».
Element
Tittel
Skriv inn ein tittel på dokumentet.
DCMI-definisjon: Eit namn gjeve til ressursen.
Emne
Skriv inn eit emne for dokumentet. Du kan bruka emne til å gruppera dokument med liknande innhald.
DCMI Definisjon: Temaet for ressursen.
Nøkkelord
Skriv inn orda du vil bruka som nøkkelord for innhaldet i dokumentet. Nøkkelorda må skiljast med komma. Eit nøkkelord kan innehalda blanke teikn og semikolon.
Bidragsytar
Skriv inn namna på personane, organisasjonane eller andre som har gjeve bidrag til dokumentet. For eksempel namna på forfattarane av dokumentet eller medlemmer av teamet som bidro med data.
DCMI Definisjon: Ei eining som er ansvarleg for å gje bidrag til ressursen.
Dekning
Skriv inn tidspunktet, staden eller jurisdiksjonen som dokumentet er relevant for. For eksempel eit datoområde, ein stad eller ein institusjon som dokumentet gjeld.
DCMI Definisjon: Det romlege eller tidsmessige emnet for ressursen, den romlege brukbarheiten til ressursen eller jurisdiksjonen som ressursen er relevant under.
Identifikator
Skriv inn ein unik og eintydig identifikator for dokumentet. For eksempel eit dokumentnummer eller ISBN.
DCMI Definisjon: Ein utvetydig referanse til dokumentet innanfor ein spesifikk samanheng.
Utgjevar
Skriv inn namnet på eininga som gjer dokumentet tilgjengeleg. For eksempel eit selskap, eit universitet eller eit offentleg organ.
DCMI-definisjon: Ei eining som er ansvarleg for å gjera ressursen tilgjengeleg.
Relasjon
Skriv inn informasjon om ressursar knytt til dokumentet. For eksempel eit sett med bind som dokumentet er ein del av, eller utgåvenummeret for dokumentet.
DCMI-definisjon: Ein relatert ressurs.
Rettar
Skriv inn informasjon om immaterielle rettar knytt til dokumentet. For eksempel ei erklæring om opphavsrett eller informasjon om kven som har løyve til å få tilgang til dokumentet.
DCMI-definisjon: Informasjon om rettar i og over ressursen.
Kjelde
Skriv inn informasjon om andre ressursar som dokumentet er avleidd frå. For eksempel namnet eller identifikatoren til ein papirkopi som dokumentet er skanna frå eller ei internettadresse som dokumentet vart lasta ned frå.
DCMI-definisjon: Ein relatert ressurs som den omtalte ressursen er avleidd frå.
Type
Skriv inn informasjon om kategorien eller formatet til dokumentet. For eksempel om dokumentet er eit tekstdokument, eit bileete eller ein multimediepresentasjon.
DCMI-definisjon: Arten eller sjangeren til ressursen.
Merknadar
Skriv inn kommentarar for å gjera det lettare å identifisera dokumentet.