3D-vising

Du kan velja diagramtype på den første sida i diagramvegvisaren eller i oppsprettmenyen for eit diagram.

Dei nye innstillingane du skriv inn i dialogvindauget vert viste i førehandsvisinga.

• Når du lukkar dialogvindauget ved å trykkja på «OK», vert innstillingane lagt til permanent.

• Når du lukkar dialogvindauget ved å bruka «Avbryt» eller trykkja på Escape-tasten, går diagrammet tilbake til slik det var då du opna vindauget.

For 3D-diagram kan du velja Format → 3D-vising for å stilla inn perspektivet, utsjånaden og lyssetjinga.

Perspektiv

• Skriv inn verdiane for rotasjonen av diagrammet på de tre aksane og for perspektivvisinga.

Set alle vinklane til 0 for å sjå diagrammet rett framanfrå. Kake- og smultringdiagram vert viste som sirklar.

Viss Rettvinkla aksar er slått på, kan du rotera diagrammet berre rundt X- og Y-aksane, altså parallelt med diagramkantane.

Ein X-verdi på 90, med Y og Z sette til 0, gjev ei vising av diagrammet rett ovanfrå. Med X sett til -90 får du sjå diagrammet nedanfrå.

Diagrammet vert først rotert rundt X-, så Y- og til slutt Z-aksen.

Viss skuggelegging er slått på og du roterer diagrammet, følgjer lysa med diagrammet som om dei var festa til det.

Slå på Perspektiv for å visa diagrammet i perspektiv som sett gjennom ei kameralinse, i staden for med parallell projeksjon.

Still inn brennvidda med talboksen. 100 % gjev eit perspektiv der kanten lengst vekk i diagrammet er omtrent halvparten så stor som den næraste kanten.

Utsjånad

• Vel ein utsjånad frå lista Vising.

Når du vel frå lista, vert avkryssingsboksane og lyskjeldene endra i høve til valet.

• Viss du kryssar av for ein kombinasjon av val som ikkje er sett i vala «Realistisk» eller «Enkel», lagar du i staden eit tilpassa skjema.

• Slå på Skuggelegging for å bruka Gourauds metode for å teikna opp overflata, elles vert «flat» skuggelegging brukt.

  Flat skuggelegging brukar éin enkelt farge og lysstyrke for kvar mangekant. Kantane er synlege, mjuke overgangar og spotlight er ikkje mogleg.

  Gourauds metode brukar fargeovergangar for å oppnå ein mjukare, meir realistisk utsjånad.

• Slå på Objektkantar for å teikna linjer langs kantane.

• Slå på Avrunda hjørne for å runda av kantane på firkanta former.

Lyssetjing

Set lyskjelda for 3D-vising.

• Trykk på ein av dei åtte knappane for å slå av eller på ei lyskjelde.

  Den andre lyskjelda er slått på som standard. Ho er den første av sju «vanlege», einsarta lyskjelder. Den første lyskjelda kastar eit reflekterande lys med sterk glans.

• Du kan velja farge og lysstyrke i listeboksen under dei åtte knappane, for den valde lyskjelda. Lysstyrken til kvart lys vert lagt saman, så bruk mørke fargar viss du skal bruka fleire lys.

• Den vesle førehandsvisinga på denne fana har to glidebrytarar for å stilla inn den loddrette og vassrette posisjonen til den valde lyskjelda. Lyskjelda peikar alltid inn mot midten av objektet.

• Knappen i hjørnet av den vesle førehandsvisinga byter mellom å bruka ein kube eller ei kule i førehandsvisinga.

• Bruk listeboksen Bakgrunnslys for å styra bakgrunnslyset, som skin med same lysstyrke frå alle retningar.