Sjølvvalde funksjonar

Du kan bruka sjølvvalde funksjonar i LibreOffice Calc på desse måtane:

• Du kan laga dine eigne funksjonar i Basic. Dette krev grunnleggjande kunnskap om programmering.

• Du kan programmere funksjonar som tillegg. Dette krev avanserte kunnskapar om programmering.

Laga ein funksjon med LibreOffice Basic

1. Vel Verktøy → Makroar → Redigera makroar.

2. Du vil nå sjå Basic-IDE-en.

3. I vindauget for objektkatalogar dobbeltklikkar du på modulen der du ønskjer å lagra makroen.

4. Skriv inn funksjonskoden. I dette eksempelet definerer vi ein funksjon VOL(a; b; c) som reknar ut volumet til eit rektangel med sidelengdene a , b og c :

    Function VOL(a, b, c)
        VOL = a*b*c
    End Function

• Lukk Basic-utviklingsmiljøet.

  Funksjonen vert automatisk lagra i standard-modulen og er nå tilgjengeleg. Viss du brukar funksjonen i eit Calc-dokument som skal brukast på ein annan datamaskin, kan du kopiera funksjonen til Calc-dokumentet slik det er forklart i neste avsnitt.

Kopiera ein funksjon til eit dokument

I andre delen av «Laga ein funksjon med LibreOffice Basic» trykte du på Rediger i vindauget Makro. Som standard er modulen Mine makroar → Standard → Modul1 vald i Makro frå. Biblioteket Standard er lagra lokalt i brukarmappa.

Viss du vil kopiera den sjølvlaga funksjonen til eit Calc-dokument, gjer du det slik:

1. Vel Verktøy → Makroar → Organiser makroar → Basic.

2. I feltet Makro frå vel Mine makroar → Standard → Modul1 og trykk på Rediger.

3. Marker kjeldekoden i Basic-utviklingsmiljøet og kopier den til utklippstavla.

4. Lukk Basic-utviklingsmiljøet.

5. Vel Verktøy → Makroar → Organiser makroar → Basic.

6. Vel (Namn på Calc-dokumentet) → Standard → Module1 i feltet Makro frå. Trykk på Rediger.

7. Lim innhaldet av utklippstavla inn i Basic-utviklingsmiljøet for dokumentet.

Bruka ein sjølvvald funksjon i LibreOffice Calc

Når du har definert funksjonen VOL (a; b; c) i Basic-IDE, kan du bruka han på same måte som dei innebygde funksjonane til LibreOffice Calc.

1. Opna eit Calc-dokument og legg inn tal for funksjonsparameterane a, b og c i cellene A1, B1 og C1.

2. Plasser markøren i ei anna celle og skriv inn dette:

   =VOL(A1;B1;C1)

3. Funksjonen vert rekna ut og resultatet vert vist i den valde cella.