Bruka scenario

Eit scenario i LibreOffice Calc er eit sett med celleverdiar som kan brukast i utrekningar. Alle scenarioa har eit namn. Lag fleire scenario i det same arket, alle med ulike verdiar i cellene. Då kan du lett byta mellom setta med celleverdiar ved å bruka namna og sjå resultatet straks. Scenario er et verktøy for å prøva ut «kva om»-spørsmål.

Laga eigne scenario

Du kan laga eit scenario ved å markera alle cellene som leverer data til scenarioet.

1. Merk cellene som inneheld verdiane som vert endra mellom scenarioa. Du merkjer fleire celler ved å halda nede medan du klikkar på kvar celle.

2. Vel Verktøy → Scenario. Dialogvindauget Lag scenario vert opna.

3. Skriv inn eit namn på det nye scenarioet og la dei andre felta ha standardverdiane sine. Trykk OK for å lukka vindauget. Det nye scenarioet er aktivert automatisk.

Bruka scenario

Du kan velja scenario i dokumentstrukturen:

1. Opna dokumentstrukturen med knappen Dokumentstruktur på standardlinja.

2. Klikk på knappen Scenario i vindauget for dokumentstruktur.

I dokumentstrukturen kan du sjå dei scenarioa som er laga, med merknadane som vart skrivne inn då scenarioa vart laga.

• Dobbeltklikk på namnet til eit scenario i dokumentstrukturen for å bruka scenarioet i det valde arket.

• Du kan sletta eit scenario ved å trykkja på namnet med høgre museknapp og velja Slett.

• Du kan redigera eit scenario ved å trykkja på namnet med høgre museknapp og velja Eigenskapar.

• Du kan gøyma kantlinja til cellene som er brukte i eit scenario ved å opna eigenskapane til kvart scenario som brukar cellene og slå av Vis kantlinje. Når du gøymer kantlinja, vil dette også fjerna listeboksen i arket der du vel scenarioa.