Importera og eksportera dBASE-filer

Du kan opna og lagra data i dBASE-formatet (filetternamn .dbf) i LibreOffice Base eller eit rekneark. I LibreOffice Base er ein dBASE-database ei mappe som inneheld filer med filetternamnet .dbf. Kvar fil svarar til ein tabell i databasen. Formlar og formatering går tapt når du opnar og lagrar dBASE-filer i LibreOffice.

Importera ei dBASE-fil inn i eit rekneark

1. Vel Fil → Opna.

2. Finn dBASE-fila du vil importera.

3. Trykk på Opna.

   Dialogvindauget Importer dBASE-filer vert opna.

4. Trykk OK.

   dBASE-fila vert opna som eit nytt Calc-rekneark.

   

   Viss du vil lagra reknearket som ei dBASE-fil, må du ikkje endra eller sletta den første rada i den importerte fila. Denne rada inneheld informasjon som krevst i ein dBASE-database.

   
   

Importera ei dBASE-fil inn i ein databasetabell

Ein LibreOffice Base-databasetabell er eigentleg ei lenke til ein database.

1. Vel Fil → Ny → Database.

2. Skriv inn eit namn for databasen i feltet Filnamn i dialogvindauget Lagra som.

3. Trykk på Lagra.

4. Vel «dBASE» i boksen Databasetype i dialogvindauget Databaseeigenskapar.

5. Trykk på Neste.

6. Trykk på Bla gjennom.

7. Finn mappa som inneheld dBASE-filene og trykk på OK.

8. Trykk på Fullfør.

Å lagra eit rekneark som dBASE-fil

1. Vel Fil → Lagra som.

2. Vel «dBASE» i boksen Filformt.

3. Skriv inn namnet på dBASE-fila i feltet Filnamn.

4. Trykk på Lagra.