Opna og lagra kommadelte tekstfiler (CSV-filer)

CSV («Comma Separated Values») er eit tekstfilformat som vert brukt til å utveksla data frå ein database eller eit rekneark mellom ulike program. Kvar linje i ei CSV tekst-fil representerer ein post i databasen eller ei rad i reknearket. Kvart felt i ein databasepost eller celle i ei rad i eit rekneark vert til vanleg skild med eit komma. Men det er ingenting i vegen for å bruka andre teikn for å avgrensa eit felt, for eksempel tabulatorteiknet.

Dersom eit felt eller ei celle inneheld komma, må feltet eller cella vere omslutta med enkle (') eller doble (") hermeteikn.

Å opna kommaskilde tekstfiler (CSV) i Calc

1. Vel Fil → Opna.

2. Finn CSV-fila du vil opna.

   Viss fila har filetternamnet .csv, vel den fila.

   Dersom CSV-fila har eit anna filetternamn, merkjer du fila og vel deretter «Tekst CSV» i feltet Filter.

3. Trykk på Opna.

   Dialogvindauget Tekstimport vert opna.

4. Set innstillingane for å dela teksten i fila inn i kolonnar.

   Du kan førehandsvise layouten for importerte data lengst nede i dialogvindauget Tekstimport.

   Trykk med høgre museknapp i ein kolonne i førehandsvisinga for å setja formatet eller gøyma kolonnen.

   

   Merk av det tekstskiljeteiknfeltet som passar det teiknet som er brukt som tekstskiljeteikn i fila. Dersom teiknet ikkje finst i lista, må du skrive det inn i innskrivingsfeltet.

   
   

5. Trykk på OK.

Lagra rekneark som kommadelte tekstfiler (CSV)

1. Opna reknearket du vil lagra som ei kommadelt tekstfil.

   

   Berre det gjeldande arket kan verta eksportert.

   
   

2. Vel Fil → Lagra som.

3. Skriv inn eit namn for fila i feltet Filnamn.

4. I feltet Filter vel du «Tekst CSV».

5. Det er valfritt å også leggja inn feltinnstillingar for tekst CSV-fila.

   Vel Rediger filterinnstillingane.

   Marker dei innstillingane du ønskjer å bruka i dialogvindauget Teksteksport.

   Trykk på OK.

6. Trykk på Lagra.