Slå saman data

Når du slår saman data, vert innhaldet i celler frå fleire ark slått saman på ein stad.

Slik kombinerer du celleinnhald

1. Opna dokumentet som inneheld celleområda som skal slåast saman.

2. Vel Data → Slå saman for å opna dialogvindauget Slå saman.

3. Vel eit kjededataområde som skal slåast saman med andre område frå listeboksen Kjeldedataområde.

   Dersom området ikkje har eit namn, trykk i feltet ved sida av Kjeldedataområdet. Det kjem fram ein blinkande tekstmarkør. Skriv inn ein referanse til det første kjeldedataområdet eller marker området med datamusa.

4. Trykk på Legg til for å setja det markerte området inn i feltet Område for samanslåing.

5. Marker fleire område og trykk på Legg til etter kvar markering.

6. Du vel kvar du vil vise resultatet ved å velja eit målområde i boksen Kopier resultatet til.

   Dersom området ikkje har eit namn, trykk i feltet ved sida av Kopier resultatet til. Det kjem fram ein blinkande tekstmarkør. Du kan då anten skrive inn ein referanse til målområdet, markera området med datamusa eller setja markøren i den øvre, venstre cella i målområdet.

7. Vel ein funksjon frå Funksjon-feltet. Funksjonen spesifiserer korleis verdiane for konsolideringsområda skal lenkast. Funksjonen «Sum» er standardinnstillinga.

8. Trykk på OK for å slå saman områda.

Fleire innstillingar

Trykk på Meir i dialogvindauget Slå saman for å vise fleire val:

• Vel Lenkje til kjeldedata for å setja inn formlane som genererer resultata i målområdet i staden for resultata. Dersom du lenkjer saman dataa, vert alle endringar i kjeldeområdet også endra i det tilhøyrande målområdet.

  Dei tilhøyrande kjeldereferansane i målområdet vert set inn i rader som vert ordna automatisk og deretter gøymde. Berre resultatet, basert på den valde funksjonen, vert vist.

• Under Slå saman vel du anten Radoverskrifter eller Kolonneoverskrifter dersom cellene i kjeldedataområdet ikkje skal slåast saman etter den tilsvarande posisjonen til cella i området, men i staden til ei passande rad- eller kolonneoverskrift.

  Dersom du slår saman data etter overskrifter, må overskriftene vere med i det markerte området.

  

  Teksten i overskriftene må vera like slik at programmet kan finna radene eller kolonnane. Dersom rad- eller kolonneoverskrifta ikkje høver til nokon som finst i målområdet, vert ho lagt til som ei ny rad eller ein ny kolonne.

  
  

Dataa i kjelde- og målområda vert lagra når du lagrar dokumentet. Dersom du seinare opnar dokumentet der samanføyinga vart definert, er dataa tilgjengelege igjen.