Minidiagram

Opnar dialogvindauget for minidiagram der du kan definera eigenskapane for minidiagrammet.

Minidiagram er små datadiagram viste inne i ei celle.

Minidiagram er definerte for éi celle, men fleire minidiagram kan koplast saman i ei gruppe. Gruppa deler dei same eigenskapane for å teikna minidiagramma. Dei unike dataa som er definerte for berre eitt minidiagram er det dataområdet som vert brukt for å teikna eit minidiagram.

Data

Inndataområde: skriv inn celleområdet for dataa. Bruk knappen Forminsk for å merkja dataområdet med datamusa.

Utdataområde: Merk celleområdet minidiagrammet skal setjast inn i. Bruk knappen Forminsk for å velja celleområdet med datamusa.

Eigenskapar

Type: vel minidiagram-type i nedtrekkslista. Vala er:

• Linje: teiknar ei linje mellom datatypane.

• Kolonne: teiknar ei søyle for kvar dataverdi.

• Stabla: også kjent som vin/tap. Viser like store stolpar som indikerer positive og negative verdiar.

Linjebreidd: skriv inn linjebreidda eller bruk talboksen.

Vis tomme celler som: vala er tilgjengelege i nedtrekkslista.

• Mellomrom: manglande data vert ikkje viste. Linjetypen og søyla vert ikkje vist.

• Null: dei manglande dataa vert viste som null.

• Spenn: berre for linje. Teiknar ei samanhengande linje mellom den førre og den neste verdien.

Vis gøymde: merk av for å visa alle kolonnane eller stablane i området sjølv når dataa er i gøymde celler. Viss det ikkje er merkt av for denne, vert dataa i gøymde celler ikkje viste.

Høgre-til-venstre: merk av for denne for å vise dataa i omvendt rekkjefølgje.

Fargar

Seriar: vel hovudfargen for minidiagrammet

Negative punkt: vel og merk av fargen for negative punkt.

Høge punkt: vel og merk av fargen for høge punkt.

Låge punkt: vel og merk av fargen for låge punkt.

Merking: vel og merk av fargen for datapukt (berre for linje).

Første punkt: vel og merk av fargen for første punkt.

Siste punkt: vel og merk av fargen for siste punkt.

Aksar

Vis X-aksen: merk av for å visa x-aksen i minidiagrammet.

Loddrett minimum, Loddrett maksimum: merk av for å setja minste og høgste verdi for y-aksen. Vel ein av desse:

• Individuell: set automatisk minimums- / maksimums-verdien for kvart minidiagram ut frå dataområdet for minidiagrammet.

• Grupper: set minimums- / maksimums-verdien ut frå dei låge og høge verdiane funne i gruppa av minidiagram.

• Tilpassa: skriv inn minimums- / maksimums-verdien for gruppa av minidiagram. Skriv inn verdien eller bruk talboksen.