Sorteringskriterium

Spesifiser sorteringskriteria og sorteringsretninga for det valde området.

For å bruka denne funksjonen …

Frå menylinja:

Vel Data → Sorter → Sorteringskriterium.

Frå brukargrensesnittet med faner:

I fana Data vel du Sorter.

Frå verktøylinjer:

Sortér

Sorteringsnøkkel 1; 2; 3; …

Vel kolonnen eller rada du vil bruka som primær, sekundær eller tertiær sorteringsnøkkel. Sortering etter rader eller kolonnar er avhengig av retninga som er gjeve i sorteringsalternativa nedanfor.

I LibreOffice Calc vert det først vist tre sorteringskriteria i dialogvindauget for sortering. Når den siste tilgjengelege sorteringsnøkkelen vert brukt, vert vindauget utvida for å gje høve til eit ekstra sorteringskriterium.

Sorter stigande/fallande

Sorterer utvalet frå høgaste til lågaste verdi, eller frå lågaste til høgaste verdi. Talfelt vert sorterte etter storleik og tekstfelt etter teiknrekkjefølgja. Du kan definera sorteringsreglane på Data → Sorter → Val. Du definerer standardinnstillinga på → Språk og regionale tilpassingar → Generelt.

Sorteringsalternativ

Område som inneheld kolonne-/rad-etikettar

Kryss av for å ikkje ta med overskriftsrada i sorteringsområdet.

Retning

Ovanfrå og ned (sortér radene)

Sorterer radene etter verdiane i dei gjeldande kolonnane i det valde området.

Frå venstre til høgre (sortér kolonnane)

Sorterer kolonnane etter verdiane i dei gjeldande radene i det valde området.

Sorteringsalternativ