Flett saman og midtstill celler
Dette er eit kontrollelement som koplar saman alle cellene i eit rektangulært utval til ei enkelt celle, eller returnerer fletta celler til de opphavlege enkeltcellene. Ved fletting, vert cellene formaterte midtstilt.
Kontrollelementet vert vist som slått på når det er samanfletta celler i utvalet, noko som indikerer at viss du trykkjer på kontrollelementet, vert cellene delte opp igjen.
Å slå saman celler kan føre til utrekningsfeil i formlar i tabellen.
Celler kan ikkje flettast saman igjen utan å splittast først.
Å slå saman eit celleutval som delvis inkluderer samanfletta celler er til vanleg mogleg med Del opp celler etterfølgd av Slå saman celler utan å endra det første utvalet. Resultatet er i stor grad avhenge av tidlegare val når du slår saman celler laga med dialogvindauget Slå saman celler-alternativa omtala nedanfor.
Det er ikkje støtte for fleirval, det vil seia at utvalet må vera rektangulært.
Dei fletta cellene får namn og innhald frå den første cella i utvalet.
Viss det skal flettast saman fleire celler med innhald, vert dialogvindauget Slå saman celler opna.
Innstillingar i dialogvindauget for å slå saman celler
Tre val er tilgjengelege:
-
Flytt innhaldet i den gøymde cella inn i den første cella: Innhaldet i den gøymde cella vert kopla saman med den første cella. Gøymde celler vert tømt. Formelresultat som refererer til den gøymde cella eller den første cella vert oppdaterte.
-
Behald innhaldet i gøymde celler: Innhaldet i dei gøymde cellene vert ikkje endra. Formelresultat som byggjer på dei gøymde cellene vert ikkje endra.
-
Tøm innhaldet i dei gøymde cellene: Innhaldet i dei gøymde cellene vert sletta. Formelresultat som byggjer på dei gøymde cellene vert endra.