Tilleggsfunksjonar

I dette avsnittet vert nokre av dei tilgjengelege tilleggsfunksjonane forklarte.

Tilleggsomgrep

I hjelp kan du også finna ein omtale av grensesnittet for tilleggsfunksjonar i LibreOffice Calc. I tillegg er viktige funksjonar og parametra deira omtalte i hjelp for .

Tilgjengelege tilleggsfunksjonar

LibreOffice indeheld eksempel på grensesnittet for tilleggsfunksjonar i LibreOffice Calc.

Analysefunksjonar del ein

Analysefunksjonar del to

DAGAR.I.MÅNADEN (DAYSINMONTH på engelsk)

Reknar ut kor mange dagar det er i månaden som inngår i den innskrivne datoen.

DAGAR.I.MÅNADEN(Dato)

Dato er ein dato i den respektive månaden i det ønskte året. Datoparameteren må vera ein gyldig dato ut frå dei lokale innstillingane i LibreOffice

DAGAR.I.MÅNADEN(A1) returnerer 29 dagar viss A1 inneheld 17/2/68, som er ein gyldig dato i februar 1968.

ORG.OPENOFFICE.DAYSINMONTH

DAGAR.I.ÅRET (DAYSINYEAR på engelsk)

Reknar ut kor mange dagar det er i det året den innskrivne datoen finst i.

DAGAR.I.ÅRET(Dato)

Dato er ein av alle datoar i det aktuelle året. Datoen må vera ein gyldig dato ut frå dei lokale innstillingane i LibreOffice.

DAGAR.I.ÅRET(A1) returnerer 366 dagar viss A1 inneheld 29/2/68, som er ein gyldig dato i året 1968.

ORG.OPENOFFICE.DAYSINYEAR

ER.SKOTÅR (ISLEAPYEAR på engelsk)

Bestemmer om eit år er et skotår eller ei. Viss ja, vil funksjonen returnera verdien 1 (SANN). Viss nei, vil funksjonen returnera 0 (USANN).

ER.SKOTÅR(Dato)

Dato viser om ein gjeven dato er i eit skotår. Datoparameterane må vere ein gyldig dato.

=ER.SKOTÅR(A1) returnerer 1, viss A1 inneheld 29/2/1968, som er den gyldige datoen 29. februar 1968 i dei lokale innstillingane.

Du kan også bruka =ER.SKOTÅR(DATO(1968;2;29)) eller =ER.SKOTÅR("1968-02-29") i ISO 8601-notasjon.

Bruk aldri ER.SKOTÅR(29/2/68), fordi dette først vil dividera 29 med 2 og så dividera resultatet med 68. Funksjonen ER.SKOTÅR vil så bruka dette talet som eit serielt datotal for å finna ut om resultatet er eit skotår eller ikkje.

ORG.OPENOFFICE.ISLEAPYEAR

MÅNADAR (MONTHS på engelsk)

Reknar ut skilnaden i månadar mellom to datoar.

MÅNADAR(Startdato; Sluttdato; Type)

Startdato er den første datoen

Data2 er det andre datasettet.

Type reknar ut typen av skilnad. Moglege verdiar er 0 (intervall) og 1 (i kalendermånadar).

ORG.OPENOFFICE.MONTHS

ROT13 (ROT13 på engelsk)

Krypterer ein bokstavstreng ved å flytta bokstavane 13 plassar i alfabetet. Etter siste bokstav i alfabetet byrjar han frå starten (rotasjon). Ved å bruka krypteringsfunksjonen på den krypterte koden, kan du dekryptera teksten.

ROT13(Tekst)

Tekst er tekststrengen som skal krypterast. ROT13(ROT13(Tekst)) dekrypterer koden.

=ROT13("Gur Qbphzrag Shaqngvba ineg fxvcn v frcgrzore 2010.") returnerer strengen «The Document Fundation vart skipa i september 2010.». Merk korleis mellomrom, siffer og punktum er upåverka av ROT13.

ORG.OPENOFFICE.ROT13

TAL.PÅ.ÅR (YEARS på engelsk)

Reknar ut skilnaden i år mellom to datoar.

TAL.PÅ.ÅR(Startdato; Sluttdato; Type)

Startdato er den første datoen

Data2 er det andre datasettet.

Type: reknar ut skilnadstypen. Moglege verdiar er 0 (intervall) og 1 (i kalenderår).

ORG.OPENOFFICE.YEARS

VEKER (WEEKS på engelsk)

Reknar ut skilnaden i veker mellom to datoar.

VEKER(Startdato; Sluttdato; Type)

Startdato er startdatoen for intervallet.

Sluttdato er sluttdatoen for intervallet. Sluttdatoen må vera større (seinare) enn startdatoen, elles vert det returnert ein feil.

Type spesifiserer kva type skilnad som skal reknast ut. Moglege verdiar er 0 (tidsintervall) eller 1 (kalenderveker).

Viss Type = 0 vil funksjonen gå ut i frå at 7 dagar svarar til éi veke, utan å rekna ein bestemt vekedag som første dagen i veka.

Viss Type = 1 vert måndagen sett på som den første dagen i veka. Difor vert kvar førekomst av ein måndag i intervallet, bortsett frå startdagen, rekna som ei ekstra veke.

I dei følgjande eksempla vert datoane sette inn som strengar. Men dei kan også setjast inn som referansar til celler som inneheld datoar.

==VEKER("12/01/2022";"17/01/2022";0) returnerer 0, fordi Type er sett til 0 og det er berre 5 dagar i intervallet.

==VEKER("12/01/2022";"19/01/2022";0) returnerer 1, fordi Type er sett til 0 og det er 7 dagar i intervallet.

=VEKER("12/01/2022";"19/01/2022";1)) returner 1, fordi Type er sett til 1 og intervallet inneheld ein måndag, sidan 12/01/2022 var ein onsdag og 17/01/2022 ein måndag.

=VEKER("10/01/2022";"15/01/2022";1) returnerer 0, fordi Type er sett til 1 og intervallet ikkje inneheld nokon måndagar utanom startdatoen.

ORG.OPENOFFICE.WEEKS

VEKER.I.ÅRET (WEEKSINYEAR på engelsk)

Reknar ut kor mange veker det er i det året den innskrivne datoen finst i. Talet på veker er definert slik: Ei veke som går over to år vert lagt til det året som inneheld flest dagar i denne veka.

VEKER.I.ÅRET(Dato)

Dato er alle datoar i eit visst år. Datoparameteren må vera ein gyldig dato i høve til dei lokale innstillingane for LibreOffice.

VEKER.I.ÅRET(A1) returnerer 53 viss A1 inneheld 17/2/70, som er ein gyldig dato i året 1970.

ORG.OPENOFFICE.WEEKSINYEAR

Tilleggsfunksjonar via LibreOffice API

Tilleggsfunksjonar kan også leggjast inn via LibreOfficeAPI.