Topptekst/ og botntekst

Definerer eller formaterer ein topp- eller botntekst for sidestilen som vert brukt. Du kan definera ulike innstillingar for den første sida og resten av sidene.

For å bruka denne funksjonen …

Frå menylinja:

Vel Set inn → Topptekst og botntekst.

Vel fana Format → Sidestil → Topptekst (eller botntekst) og trykk Rediger.

Vel Stilar → Handsam stilar → Sidestilar, opna sprettoppmenyen for sidestilen, vel fana Rediger stil → Topptekst (eller botntekst) og trykk Rediger.

Frå brukargrensesnittet med faner:

Vel Utforming → Topptekst og botntekst.

Vel fana Utforming → Formater side → Topptekst (eller botntekst) og trykk Rediger.

Vel Topptekst og botntekst i fana Set inn i menyen Set inn.

Frå verktøylinjer:

Topp- og botntekst

Topptekst eller botntekst (først og resten)

Definerer innstillingane for topp- eller botnteksten for den første sida eller resten av sidene.

Skiljet mellom første side og resten av sidene er avhengig av valet av Same innhald på den første sida i side Topptekst ogBotntekst.

Venstre område

Skriv inn teksten som skal visast til venstre i toppteksten eller botnteksten.

Når Same innhald på den første sida ovanfor ikkje er vald, er det venstre området ikkje tilgjengeleg på den første sida.

Midtområdet

Skriv inn teksten som skal visast på midten av toppteksten eller botnteksten.

Høgre område

Skriv inn teksten som skal visast til høgre i toppteksten eller botnteksten.

Topptekst/botntekst

Vel ein førehandsdefinert topptekst eller botntekst frå lista.

Teksteigenskapar

Opnar eit dialogvindauge for å formatere ny eller merkt tekst. Dialogvindauget Teksteigenskapar inneheld faner for Skrift, Skrifteffektar og Plassering.

Teksteigenskapar

Filnamn

Set inn eit filfelt i det valde området. Klikk for å setja inn tittel. Hald knappen inne for å setja inn anten tittelen, filnamnet eller sti/filnamn frå undermenyen. Om du ikkje kan tildela ein tittel (sjå Fil → Eigenskapar), vert filnamnet sett inn i staden.

Filnamn

Arknamn

Set inn ein plasshaldar i det valde området av topp- eller botnteksten. Plasshaldaren vert bytt ut med namnet på arket.

Arknamn

Side

Set inn ein plasshaldar i det valde området av topp- eller botnteksten. Plasshaldaren vert bytt ut med sidetalet. På denne måten kan du få samanhengande sidenummerering i dokumentet.

Side

Sider

Set inn ein plasshaldar for talet på sider i det valde området i topp- eller botnteksten. Plasshaldaren vert byt ut med talet på sider i dokumentet.

Sider

Dato

Set inn ein plasshaldar for datofelt i det valde området i topp- eller botnteksten. Plasshaldaren vert bytt ut med datoen på alle dokumentsidene.

Dato

Tid

Set inn ein plasshaldar for klokkeslett i det valde området i topp- eller botnteksten. Plasshaldaren vert bytt ut med klokkeslettet på alle dokumentsidene.

Tid