Format-funksjonen

Konverterer eit taluttrykk til ein streng og formaterer det i høve til det spesifiserte formatet.

Format(uttrykk [, format As String]) As String

uttrykk: Taluttrykket som skal konverterast til ein formatert streng.

format: Streng med formatkoden for talet. Viss format er sløyfa, verkar format-funksjonen på same måten som LibreOffice Basic-funksjonen Str().

Tekststreng.

Formateringskodar

Lista nedanfor viser kodane som kan nyttast for å formatera eit taluttrykk:

0: Viss uttrykk har eit siffer der 0 er plassert i formatkoden, vert sifferet vist, elles vert det vis ein 0.

Viss uttrykk har færre siffer enn talet på nullar i formatkoden, (på begge sider av desimalteiknet), vert leiande eller avsluttande nullar viste. Viss uttrykk har fleire siffer til venstre for desimalteiknet enn formatkoden har, vert dei overskytande sifra viste utan formatering.

Desimalplassar i uttrykkt vert avrunda i høve til talet på nullar som kjem etter desimalteiknet i Format-koden.

#: Viss uttrykk har eit siffer der #-plasshaldaren er plassert i formatkoden, vert sifferet vist, elles ingenting.

Dette symbolet verkar på same måten som 0, utanom at leiande og avsluttande nullar ikkje vert viste viss det er fleire #-teikn i formatkoden enn siffer i uttrykk. Berre dei relevante sifra i uttrykk vert viste.

.: Plasshaldaren for desimalteiknet bestemmer talet på desimalplassar til høgre og venstre for desimalteiknet.

Viss formatkode inneheld berre #-plasshaldarar til venstre for dette symbolet, vil tal mindre enn 1 byrja med desimalteiknet. For alltid å visa ein leiande null ved desimaltal, bruk 0 som plasshaldar på den første plassen framføre desimalteiknet.

%: Multipliserer uttrykk med 100 og set inn prosentteiknet (%) der uttrykk er i format-koden.

E- E+ e- e+ : Viss format-koden inneheld minst ein plasshaldar for siffer (0 eller #) til høgre for symbolet E-, E+, e- eller e+, vert uttrykk formatert vitskapleg i eksponentialform. Bokstaven E eller e vert set inn mellom talet og eksponenten. Talet på plasshaldarar for tal til høgre for symbolet bestemmer talet på siffer i eksponenten.

Viss eksponenten er negativ, vert eit minusteikn (-) vist direkte framføre eksponenten med E-, E+, e-, e+. Viss eksponenten er positiv, vert plussteiknet vist berre framføre eksponentar med E+ eller e+.

Tusenskiljeteiknet vert vist viss format-koden inneheld skiljeteiknet omgjeve av plasshaldarar for tal (0 eller #).

Bruk av punktum som tusenskilje eller desimalteikn er avhengig av dei lokale innstillingane. Når du skriv inn eit tal direkte i BASIC kjeldekode, må du bruka punktum som desimalskiljeteikn. Kva teikn som vert vist som desimalteikn er derimot avhengig av talformatet sett i systeminnstillingane.

- + $ ( ) mellomrom: A pluss (+), minus (-), dollar ($), mellomrom, eller parentesar skrivne direkte i format-koden, vert viste som bokstavteikn.

For å kunna visa andre teikn enn dei som er lista her, må du setja ein bakoverstrek (\) framføre dei eller setja dei i doble hermeteikn (" ").

\ : Bakoverstreken viser det neste teiknet i format-koden.

Teikn i format-koden med ei spesiell meining kan berre visast som bokstavteikn viss dei har ein bakoverstrek framføre seg. Bakoverstreken vert ikkje vist. For å visa bakoverstrek må du skriva ein bakoverstrek framføre i formatkoden (\\).

Teikna som må ha ein bakoverstrek framføre seg for å verta viste som bokstavteikn, er formateringsteikna for dato og klokkeslett (a, c, d, h, m, n, p, q, s, t, w, y, /, :), numeriske formateringsteikn (#, 0, %, E, e, komma, punktum) og strengformateringsteikna (@, &, <, >, !).

Du kan også bruka følgjande førehandsdefinerte talformat. Med unnatak av "Generelle tal" returnerer alle dei førehandsdefinerte formatkodane talet som eit desimaltal med to desimalar.

Viss du brukar førehandsdefinerte format, må namnet på formatet skrivast mellom doble hermeteikn ("").

Førehandsdefinerte format

Generelle tal: Tala vert viste slik dei er skrivne inn.

Valuta: Set inn eit dollarteikn framføre talet og set negative tal i parentes.

Fixed: Viser minst eitt tal framføre desimalteiknet.

Standard: Viser talet med tusenskiljeteikn.

Prosent: Multipliserer talet med 100 og legg til prosentteiknet.

Vitskapleg: Viser talet i vitskapleg notasjon (for eksempel 1.00E+03 for 1000).

Ein format-kode kan delast i tre delar skilde med semikolon. Den første delen definerer formatet på ein positiv verdi, den andre for negative verdiar og den tredje for null. Set du opp berre éin format-kode, vil denne gjelda for alle tal.

Sub ExampleFormat
    MsgBox Format(6328.2, "##,##0.00")
    ' bruk alltid punktum som desimalskiljeteikn når du skriv inn eit tal i Basic kjeldekode.
    ' kan for eksempel visa 6,328.20 i engelsk oppsett og 6.328,20 i norsk oppsett.
End Sub