Set inn kontrollelement

Opnar verktøylinja Kontrollelement.

I redigeringstilstand kan du dobbeltklikka på eit kontrollelement for å opna dialogvindauget eigenskapar.
I redigeringstilstand kan du også høgreklikka på eit kontrollelement og velja kommandoane «Klipp ut», «Kopier» og «Sett inn».

Knapp

Legg til ein kommandoknapp. Du kan bruka ein kommandoknapp for å utføra ein kommando for ei særskild hending, som for eksempel eit museklikk.

Dersom du ønskjer det, kan du leggja tekst eller bilete på knappen.

Biletkontroll

Legg til eit kontrollelement som viser eit bilete.

Avkryssingsboks

Legg til ein avkryssingsboks som du kan bruka for å slå av eller på ein funksjon.

Valknapp

Legg til ein knapp som let brukaren velja mellom ei rad alternativ. Grupperte valknappar må ha ei samanhengande tabulatorrekkjefølgje. Dei er til vanleg merkte med ein gruppeboks. Viss du har to grupper med valknappar, må du setja inn ei tabulatorrekkjefølgje mellom rekkefølgja til dei to gruppene. For eksempel til ramma til den andre gruppa, eller til eit anna kontrollelement i dialogvindauget, med unntak av ein annan valknapp.

Merkelappfelt

Legg til eit felt som viser tekstetikettar. Desse etikettane er berre for å visa tekst definert på førehand og ikkje for å skriva inn ny tekst.

Tekstfelt

Legg til eit skrivefelt der du kan skriva inn og redigera tekst.

Listeboks

Legg til ein boks der du kan velja eit element frå ei liste.

Kombinasjonsboks

Legg til ein kombinasjonsboks. Ein kombinasjonsboks er ein listeboks med ei linje som brukaren kan nytta for å velja eit punkt frå lista. Dersom du ønskjer det, kan du skriveverna elementa i kombinasjonsfeltet.

Vassrett rullefelt

Legg til eit vassrett rullefelt i dialogvindauget.

Loddrett rullefelt

Legg til eit loddrett rullefelt i dialogvindauget.

Gruppeboks

Legg til ei ramme som du kan bruka til visuelt å gruppera liknande kontrollelement, for eksempel valknappar.

For å definera to ulike grupper med valknappar, pass på at tabulatorindeksen for grupperamma ligg mellom tabulatorindeksane for dei to gruppene.

Framdriftsvisar

Legg til ein framdriftsvisar i dialogvindauget.

Vassrett linje

Legg til ei vassrett linje i dialogvindauget.

Loddrett linje

Legg til ei loddrett linje i dialogvindauget.

Datafelt

Legg til eit datofelt.

Dersom du gjev datofeltet eigenskapen «nedtrekksliste», kan du dra ned ein kalender for å velja ein dato.

Tidsfelt

Legg til eit klokkeslettsfelt.

Talfelt

Legg til eit numerisk felt.

Valutafelt

Legg til eit valutafelt.

Formatert felt

Legg til eit tekstfelt der du kan definera formateringa for tekst som vert skrive inn eller skrive ut, eller leggja inn ein avgrensingsverdi.

Mønsterfelt

Legg til eit maskert felt. Eit maskert felt består av ei innlesingsmaske og ei teiknmaske. Innlesingsmaska bestemmer kva brukardata som kan skrivast inn og teiknmaska bestemmer tilstanden på det maskerte feltet når skjemaet vert lese inn.

Filveljing

Legg til ein knapp som opnar eit dialogvindauge for val av filer.

Vel

Slår utvalsmodus på eller av. I denne modusen kan du velja kontrollelementa i eit dialogvindauge slik at du kan redigera dei.

Eigenskapar

Opnar eit dialogvindauge der du kan redigera eigenskapane til det valde kontrollelementet.

Slå på test-modus

Startar ein testmodus. Klikk på lukkeknappen i dialogvindauget for å avslutta testmodus.

Handsama språk

Opnar eit dialogvindauge der du kan slå på eller handsama fleire sett med ressursar for dialogvindauge for fleire språk.

Trekontroll

Legg til ein trekontroll som kan visa hierarkiske lister. Du kan fylla ut lista frå programmet ditt ved å bruka API-oppkall (XtreeControl).

Tabellkontroll

Legg til eit kontrollemenet for tabellvising. Du kan fylla lista ved å bruka API-oppkall.

Hyperlenkje-kontroll

Legg til ein hyperlenkjekontroll som kan opna ei adresse i nettlesaren.