Omsetjing av kontrollelement i redigeringsprogrammet for dialogvindauge

I dialogvindaugeredigeringa til Basic IDE vil verktøylinja «Språk» innehalda kontrollar du kan bruka til å slå på og handsama dialogvindauge som kan omsetjast.

Alle dialogvindauge du lagar har som standard ressursar for eitt for språk. Men kva om du ønskjer å lage eit dialogvindauge som automatisk viser teksten på brukaren sitt språk?

For å slå på lokaliserte dialogvindauge

1. Opna verktøylinja «Språk» frå redigeringsprogrammet for dialogvindauge i Basic ved å velja Vis → Verktøylinjer → Språk.

   Verktøylinja «Språk» vert vist automatisk dersom det gjeldande biblioteket inneheld eit lokalisert dialogvindauge frå før.

2. Klikk på knappen Handter språk på verktøylinja for språk eller på verktøylinja.

   Du ser her dialogvindauget for å handsama språk for det gjeldande biblioteket. Namnet på det gjeldande biblioteket vert vist i tittellinja.

3. Trykk på «Legg til» i dialogvindauget for å leggja til eit språk.

   Dette steget gjer det mogleg å slå på alle nye dialogvindauge slik at dei kan innehalda strengressursar som kan tilpassast det brukte språket.

4. Første gongen du trykkjer på «Legg til» vil dialogvindauget for å setja språk for brukargrensesnittet koma opp. Seinare vil dette dialogvindauget ha namnet «Legg til språk for brukargrensesnittet».

   Du kan også endra standardspråket i «Handsam språk for brukargrensesnittet».

5. Vel eit språk.

   Dette legg til strengressursar som inneheld omsette versjonar av alle strengane for dialogeigenskapane. Dialogstrengane for standardspråket vert kopierte til det nye strengsettet. Seinare kan du byta til det nye språket og omsetja strengane.

6. Lukk dialogvindauget eller legg til fleire språk.

Slik redigerer du lokaliserbare kontrollelement i dialogvindauget

Når du har lagt til ressursane for lokaliserbare strengar i dialogvindauga, kan du velja språk frå nedtrekkslista i verktøylinja for språk.

1. Gjer at listefeltet for gjeldande språk viser standardspråket.

2. Set inn så mange kontrollar og strengar som du ønskjer i dialogvindauget.

3. Veil eit anna språk i nedtrekkslista med gjeldande språk.

4. Du kan redigera alle strengane til det andre språket ved hjelp av eigenskapsdialogvindauga for kontrollfelta.

5. Gjenta for alle språka du har lagt til.

Brukarane av dialogvindauget vil sjå strengane i brukargrensesnittet på språket som er vald for LibreOffice dersom du har lagt til strengar i det språket.

Dersom ingen av språka passar det brukaren brukar, vert standardspråket brukt.

Dersom brukaren har ein eldre versjon av LibreOffice utan støtte for lokaliserbare strengressursar i dialogvindauge i Basic, vert strengane for standardspråket brukte.