ການປັບແຕ່ງການຕື່ມຄຳອັດຕະໂນມັດສຳລັບເອກະສານຂໍ້ຄວາມໃຫ້ລະອຽດ

ຖ້າທ່ານມັກການທີ່ LibreOffice ຕື່ມຄຳສັບທີ່ທ່ານໃຊ້ເລື້ອຍໆໃຫ້ສົມບູນໂດຍອັດຕະໂນມັດ, ທ່ານສາມາດປັບແຕ່ງເພີ່ມເຕີມເພື່ອໃຫ້ມັນເຮັດວຽກໄດ້ດີຂຶ້ນ. ຖ້າທ່ານຕ້ອງການ, ທ່ານຍັງສາມາດບັນທຶກລາຍຊື່ຄຳສັບທີ່ເກັບກຳໄວ້ໃນປັດຈຸບັນເພື່ອເອົາໄປໃຊ້ໃນການເຮັດວຽກຄັ້ງຕໍ່ໄປໄດ້.

ເພື່ອປັບແຕ່ງການຕື່ມຄຳອັດຕະໂນມັດໃຫ້ລະອຽດ, ໃຫ້ເລືອກ ເຄື່ອງມື – ຕົວເລືອກການແກ້ໄຂອັດຕະໂນມັດ - ການຕື່ມຄຳອັດຕະໂນມັດ ແລ້ວເລືອກຕົວເລືອກໃດໜຶ່ງຕໍ່ໄປນີ້:

ວິທີແຊກຕົວອັກສອນຍະຫວ່າງເພີ່ມເຕີມ

ເລືອກ ຕໍ່ທ້າຍດ້ວຍຍະຫວ່າງ.

ວິທີກຳນົດປຸ່ມຍອມຮັບ

ເລືອກປຸ່ມເພື່ອຍອມຮັບຄຳສັບທີ່ແນະນຳໂດຍໃຊ້ກ່ອງລາຍການ ຍອມຮັບດ້ວຍ.

ວິທີເລືອກຈຳນວນຕົວອັກສອນຕ່ຳສຸດ

ໃຊ້ກ່ອງ ຄວາມຍາວຄຳສັບຕ່ຳສຸດ ເພື່ອກຳນົດຈຳນວນຕົວອັກສອນຕ່ຳສຸດທີ່ຄຳສັບໃດໜຶ່ງຕ້ອງມີ ເພື່ອຈະຖືກເກັບກຳເຂົ້າໃນລາຍການ.

ວິທີເລືອກຂອບເຂດຂອງຄຳສັບທີ່ເກັບກຳ

ຍົກເລີກການເລືອກຕົວເລືອກ ເມື່ອປິດເອກະສານ, ໃຫ້ລຶບຄຳສັບທີ່ເກັບກຳມາຈາກເອກະສານນັ້ນອອກຈາກລາຍການ.

ຕອນນີ້ລາຍການດັ່ງກ່າວຈະສາມາດໃຊ້ໄດ້ກັບເອກະສານອື່ນໆທີ່ທ່ານເປີດນຳອີກ. ເມື່ອທ່ານປິດເອກະສານ LibreOffice ສຸດທ້າຍ, ລາຍຊື່ຄຳສັບຈະຖືກລຶບອອກ.

ຖ້າທ່ານເປີດໃຊ້ກ່ອງໝາຍນີ້, ລາຍຊື່ຄຳສັບຈະໃຊ້ໄດ້ສະເພາະໃນເວລທີ່ເອກະສານປັດຈຸບັນເປີດຢູ່ເທົ່ານັ້ນ.

ຖ້າທ່ານຕ້ອງການໃຫ້ລາຍຊື່ຄຳສັບຄົງຢູ່ດົນກວ່າການເຮັດວຽກ LibreOffice ໃນປັດຈຸບັນ, ໃຫ້ບັນທຶກມັນໄວ້ເປັນເອກະສານ ຕາມທີ່ໄດ້ອະທິບາຍໄວ້ໃນພາກຕໍ່ໄປ.

ວິທີໃຊ້ລາຍຊື່ຄຳສັບສຳລັບການເຮັດວຽກຄັ້ງຕໍ່ໄປ

ໃຊ້ລາຍຊື່ຄຳສັບເພື່ອເລີ່ມຕົ້ນດ້ວຍຊຸດຄຳສັບທາງເຕັກນິກທີ່ກຳນົດໄວ້ສຳລັບຟີເຈີການຕື່ມຄຳອັດຕະໂນມັດ.

1. ເປີດເອກະສານຂໍ້ຄວາມທີ່ມີຄຳສັບທີ່ທ່ານຕ້ອງການໃຊ້ສຳລັບການຕື່ມຄຳອັດຕະໂນມັດ.

   ຟີເຈີການຕື່ມຄຳອັດຕະໂນມັດຈະເກັບກຳຄຳສັບເຫຼົ່ານັ້ນ.

2. ເລືອກຄຳສັບທັງໝົດ ຫຼື ບາງສ່ວນໃນລາຍການ.

3. ໃຊ້ +C ເພື່ອສຳເນົາຄຳສັບທີ່ເລືອກທັງໝົດໄປໃສ່ໃນຄລິບບອດ. ວາງຂໍ້ມູນຈາກຄລິບບອດລົງໃນເອກະສານໃໝ່ ແລະ ບັນທຶກໄວ້ເພື່ອໃຫ້ໄດ້ລາຍຊື່ອ້າງອີງຂອງຄຳສັບທີ່ເກັບກຳໄວ້.

   ໃນພາຍຫຼັງທ່ານສາມາດເປີດລາຍຊື່ອ້າງອີງ ແລະ ເກັບກຳຄຳສັບໂດຍອັດຕະໂນມັດ ເພື່ອໃຫ້ຟີເຈີການຕື່ມຄຳອັດຕະໂນມັດເລີ່ມຕົ້ນດ້ວຍຊຸດຄຳສັບທີ່ກຳນົດໄວ້.