ການໃຊ້ສ່ວນ

ສ່ວນຕ່າງໆແມ່ນບລັອກຂໍ້ຄວາມທີ່ມີຊື່, ລວມທັງຮູບພາບ ຫຼື ວັດຖຸ, ທີ່ເຈົ້າສາມາດນຳໃຊ້ໄດ້ຫຼາຍວິທີ:

• ເພື່ອປ້ອງກັນບໍ່ໃຫ້ຂໍ້ຄວາມຖືກແກ້ໄຂ.

• ເພື່ອສະແດງ ຫຼື ເຊື່ອງຂໍ້ຄວາມ.

• ເພື່ອໃຊ້ຂໍ້ຄວາມ ແລະ ຮູບພາບຈາກເອກະສານ LibreOffice ອື່ນຄືນໃໝ່.

• ເພື່ອແຊກສ່ວນຂອງຂໍ້ຄວາມທີ່ໃຊ້ການຈັດວາງຖັນທີ່ແຕກຕ່າງຈາກຮູບແບບໜ້າປະຈຸບັນ.

ສ່ວນໜຶ່ງຈະປະກອບມີຢ່າງໜ້ອຍໜຶ່ງຫຍໍ້ໜ້າ. ເມື່ອເຈົ້າເລືອກຂໍ້ຄວາມ ແລະ ສ້າງສ່ວນໃໝ່, ການຂຶ້ນຫຍໍ້ໜ້າໃໝ່ຈະຖືກແຊກໃສ່ໃນຕອນທ້າຍຂອງຂໍ້ຄວາມໂດຍອັດຕະໂນມັດ.

ເຈົ້າສາມາດແຊກສ່ວນຈາກເອກະສານຂໍ້ຄວາມ, ຫຼື ເອກະສານຂໍ້ຄວາມທັງໝົດເປັນສ່ວນໜຶ່ງເຂົ້າໃນເອກະສານຂໍ້ຄວາມອື່ນໄດ້. ເຈົ້າຍັງສາມາດແຊກສ່ວນຈາກເອກະສານຂໍ້ຄວາມເປັນແບບຈຸດເຊື່ອມຕໍ່ໃນເອກະສານຂໍ້ຄວາມອື່ນ, ຫຼື ໃນເອກະສານດຽວກັນໄດ້.

ສ່ວນ ແລະ ຖັນ

ເຈົ້າສາມາດແຊກສ່ວນຕ່າງໆເຂົ້າໄປໃນສ່ວນທີ່ມີຢູ່ແລ້ວໄດ້. ຕົວຢ່າງ, ເຈົ້າສາມາດແຊກສ່ວນທີ່ມີສອງຖັນເຂົ້າໄປໃນສ່ວນທີ່ມີພຽງຖັນດຽວໄດ້.

ການຈັດວາງຂອງສ່ວນ, ຕົວຢ່າງເຊັ່ນຈຳນວນຖັນ, ຈະມີບຸລິມະສິດເໜືອກວ່າການຈັດວາງໜ້າທີ່ກຳນົດໄວ້ໃນຮູບແບບໜ້າ.