ການໃຊ້ໄມ້ບັນທັດ

ເພື່ອສະແດງ ຫຼື ເຊື່ອງໄມ້ບັນທັດ, ໃຫ້ເລືອກ ເບິ່ງ - ໄມ້ບັນທັດ. ເພື່ອສະແດງໄມ້ບັນທັດແນວຕັ້ງ, ໃຫ້ເລືອກ - LibreOffice Writer - ເບິ່ງ, ແລ້ວເລືອກ ໄມ້ບັນທັດແນວຕັ້ງ ໃນສ່ວນ ໄມ້ບັນທັດ.

ການປັບຂອບເຈ້ຍ

ຂອບຂອງໜ້າແມ່ນຖືກລະບຸໂດຍພື້ນທີ່ທີ່ມີສີຢູ່ຕອນທ້າຍຂອງໄມ້ບັນທັດ.

ການປ່ຽນການຍໍ້ໜ້າ

ການຍໍ້ໜ້າແມ່ນຖືກປັບດ້ວຍສາມຫຼ່ຽມນ້ອຍໆສາມອັນໃນໄມ້ບັນທັດແນວນອນ.

1. ເພື່ອປ່ຽນການຍໍ້ໜ້າແຖວທຳອິດຂອງວັກຕອນທີ່ເລືອກໄວ້, ໃຫ້ລາກສາມຫຼ່ຽມເທິງເບື້ອງຊ້າຍໃນໄມ້ບັນທັດແນວນອນໄປຫາຕຳແໜ່ງໃໝ່.

2. ເພື່ອປ່ຽນການຍໍ້ໜ້າວັກຕອນເບື້ອງຊ້າຍ ຫຼື ເບື້ອງຂວາ, ໃຫ້ເລືອກວັກຕອນທີ່ທ່ານຕ້ອງການປ່ຽນການຍໍ້ໜ້າ, ແລ້ວລາກສາມຫຼ່ຽມລຸ່ມເບື້ອງຊ້າຍ ຫຼື ສາມຫຼ່ຽມລຸ່ມເບື້ອງຂວາໃນໄມ້ບັນທັດແນວນອນໄປຫາຕຳແໜ່ງໃໝ່.

ຕົວຢ່າງ: ເພື່ອປ່ຽນການຍໍ້ໜ້າເບື້ອງຊ້າຍໂດຍເລີ່ມຕົ້ນທີ່ແຖວທີສອງຂອງວັກຕອນ, ໃຫ້ກົດປຸ່ມ ຄ້າງໄວ້, ຄລິກທີ່ສາມຫຼ່ຽມລຸ່ມເບື້ອງຊ້າຍ, ແລະ ລາກມັນໄປທາງຂວາ

ທ່ານຍັງສາມາດດັບເບິນຄລິກໃສ່ບ່ອນໃດກໍໄດ້ໃນໄມ້ບັນທັດແນວນອນ, ແລະ ປັບການຍໍ້ໜ້າໃນກ່ອງຂໍ້ຄວາມ ວັກຕອນ.