ການແຊກຊື່ບົດ ແລະ ເລກບົດ ໃນຫົວເຈ້ຍ ຫຼື ທ້າຍເຈ້ຍ

ກ່ອນທີ່ເຈົ້າຈະສາມາດແຊກຂໍ້ມູນບົດໃສ່ໃນຫົວເຈ້ຍ ຫຼື ທ້າຍເຈ້ຍ, ທຳອິດເຈົ້າຕ້ອງຕັ້ງຄ່າຕົວເລືອກການໃຫ້ເລກລຳດັບບົດ ສຳລັບຮູບແບບຫຍໍ້ໜ້າທີ່ເຈົ້າຕ້ອງການໃຊ້ເປັນຫົວຂໍ້ບົດກ່ອນ.

ເພື່ອຕຽມຮູບແບບຫຍໍ້ໜ້າສຳລັບຫົວຂໍ້ບົດ

1. ເລືອກແຖບ ເຄື່ອງມື - ການໃຫ້ເລກລຳດັບຫົວຂໍ້ - ການໃຫ້ເລກລຳດັບ.

2. ໃນຫ້ອງ ລະດັບ, ໃຫ້ເລືອກ 1.

3. ໃນຫ້ອງ ຮູບແບບຫຍໍ້ໜ້າ, ໃຫ້ເລືອກຮູບແບບຫຍໍ້ໜ້າທີ່ເຈົ້າຕ້ອງການໃຊ້ສຳລັບຫົວຂໍ້ບົດ, ຕົວຢ່າງເຊັ່ນ ຫົວຂໍ້ 1.

4. ເລືອກຮູບແບບການໃຫ້ເລກລຳດັບສຳລັບຫົວຂໍ້ບົດໃນຫ້ອງ ຕົວເລກ, ຕົວຢ່າງເຊັ່ນ 1,2,3....

5. ພິມ ບົດທີ ຕາມດ້ວຍເຄາະຫວ່າງໃນຫ້ອງ ທາງໜ້າ.

6. ປ້ອນເຄາະຫວ່າງໃນຫ້ອງ ທາງຫຼັງ.

7. ຄລິກ ຕົກລົງ.

ເພື່ອແຊກຊື່ບົດ ແລະ ເລກບົດ ໃນຫົວເຈ້ຍ ຫຼື ທ້າຍເຈ້ຍ

1. ນຳໃຊ້ຮູບແບບຫຍໍ້ໜ້າທີ່ເຈົ້າກຳນົດສຳລັບຫົວຂໍ້ບົດ ໃຫ້ກັບຫົວຂໍ້ບົດຕ່າງໆໃນເອກະສານຂອງເຈົ້າ.

2. ເລືອກ ແຊກ - ຫົວເຈ້ຍ ແລະ ທ້າຍເຈ້ຍ - ຫົວເຈ້ຍ ຫຼື ແຊກ - ຫົວເຈ້ຍ ແລະ ທ້າຍເຈ້ຍ - ທ້າຍເຈ້ຍ, ແລ້ວເລືອກຮູບແບບໜ້າສຳລັບໜ້າປັດຈຸບັນຈາກເມນູຍ່ອຍ.

3. ຄລິກໃສ່ໃນສ່ວນຫົວເຈ້ຍ ຫຼື ສ່ວນທ້າຍເຈ້ຍ.

4. ເລືອກ ແຊກ - ເຂດຂໍ້ມູນ - ເຂດຂໍ້ມູນເພີ່ມເຕີມ ແລ້ວຄລິກແທັບ ເອກະສານ.

5. ຄລິກ ຫົວຂໍ້ ໃນລາຍການ ປະເພດ, ເລກຫົວຂໍ້ ແລະ ເນື້ອໃນ ໃນລາຍການ ຮູບແບບ, ແລະ 1 ໃນ ຮອດລະດັບ.

6. ຄລິກ ແຊກ ແລ້ວຄລິກ ປິດ.

ຫົວເຈ້ຍໃນທຸກໆໜ້າທີ່ໃຊ້ຮູບແບບໜ້າປັດຈຸບັນ ຈະສະແດງຊື່ບົດ ແລະ ເລກບົດໂດຍອັດຕະໂນມັດ.