ການຈັດລຽງຫົວຂໍ້ໃນຕົວນຳທາງ

ທ່ານສາມາດຍ້າຍ ຫົວຂໍ້ ແລະ ຂໍ້ຄວາມທີ່ຂຶ້ນກັບ ຂຶ້ນ ຫຼື ລົງໃນເອກະສານໄດ້ໂດຍໃຊ້ຕົວນຳທາງ. ທ່ານຍັງສາມາດເລື່ອນລະດັບໂຄງຮ່າງຂຶ້ນ ຫຼື ລົງສຳລັບຫົວຂໍ້ຕ່າງໆ. ເພື່ອໃຊ້ຄຸນສົມບັດນີ້, ໃຫ້ຈັດຮູບແບບຫົວຂໍ້ໃນເອກະສານຂອງທ່ານດ້ວຍຮູບແບບຫຍໍ້ໜ້າ “Heading N” (1–10) ທີ່ກຳນົດໄວ້ລ່ວງໜ້າ, ຫຼື ເພື່ອໃຊ້ຮູບແບບຫຍໍ້ໜ້າທີ່ກຳນົດເອງສຳລັບຫົວຂໍ້, ໃຫ້ເລືອກ ເຄື່ອງມື - ການໃສ່ເລກລຳດັບຫົວຂໍ້, ເລືອກຕົວເລກໃນລາຍການ ລະດັບ, ຈາກນັ້ນເລືອກຮູບແບບໃນຊ່ອງ ຮູບແບບຫຍໍ້ໜ້າ.

ເພື່ອຢຶດຕິດ ຕົວນຳທາງ, ໃຫ້ລາກແຖບຫົວຂໍ້ໄປທີ່ຂອບຂອງພື້ນທີ່ເຮັດວຽກ. ເພື່ອຍົກເລີກການຢຶດຕິດ ຕົວນຳທາງ, ໃຫ້ດັບເບິນຄລິກທີ່ກອບຂອງມັນໃນຂະນະທີ່ກົດປຸ່ມ ຄ້າງໄວ້.

ການຍ້າຍຫົວຂໍ້ຂຶ້ນ ຫຼື ລົງໃນເອກະສານ

1. ຢູ່ທີ່ ແຖບມາດຕະຖານ, ໃຫ້ຄລິກໄອຄອນ ຕົວນຳທາງ ເພື່ອເປີດ ຕົວນຳທາງ.

2. ຢູ່ທີ່ ຕົວນຳທາງ, ໃຫ້ຄລິກໄອຄອນ ມຸມມອງການນຳທາງເນື້ອໃນ .

3. ປະຕິບັດຕາມວິທີໃດໜຶ່ງລຸ່ມນີ້:

1. ລາກຫົວຂໍ້ໄປຫາຕຳແໜ່ງໃໝ່ໃນລາຍການ ຕົວນຳທາງ.

2. ຄລິກທີ່ຫົວຂໍ້ໃນລາຍການ ຕົວນຳທາງ, ແລ້ວຄລິກໄອຄອນ ຍ້າຍຫົວຂໍ້ຂຶ້ນ ຫຼື ຍ້າຍຫົວຂໍ້ລົງ .

ການເລື່ອນລະດັບໂຄງຮ່າງຂອງຫົວຂໍ້ຂຶ້ນ ຫຼື ລົງ

1. ເລືອກຫົວຂໍ້ໃນລາຍການ ຕົວນຳທາງ.

2. ຄລິກໄອຄອນ ເລື່ອນລະດັບໂຄງຮ່າງຂຶ້ນ ຫຼື ເລື່ອນລະດັບໂຄງຮ່າງລົງ .

ໃຊ້ລະດັບໂຄງຮ່າງເພື່ອປ່ຽນຫົວຂໍ້ທີ່ຈະໃຫ້ສະແດງ

ຄລິກໄອຄອນ ສະແດງເຖິງລະດັບໂຄງຮ່າງ , ແລ້ວເລືອກຕົວເລກລະດັບໂຄງຮ່າງສູງສຸດ. ຫົວຂໍ້ໃດໜຶ່ງທີ່ມີລະດັບໂຄງຮ່າງໜ້ອຍກວ່າ ຫຼື ເທົ່າກັບຕົວເລກນີ້ຈະຖືກສະແດງໃນຕົວນຳທາງ.