ការកែសម្រួលខ្សែកោង

ចម្រៀកបន្ទាត់កោងមួយ មានចំណុចទិន្នន័យពីរ (ចំណុចបញ្ចប់) និង ចំណុចបញ្ជាពីរ (ចំណុចទាញ) ។ បន្ទាត់បញ្ជាមួយតភ្ជាប់ចំណុចបញ្ជាមួយ ទៅនឹងចំណុចទិន្នន័យមួយ ។ អ្នកអាចផ្លាស់ប្តូររាងរបស់ខ្សែកោង ដោយបម្លែងចំណុចទិន្នន័យមួយទៅជាប្រភេទផ្សេងៗ ឬ ដោយអូសចំណុចបញ្ជាទៅទីតាំងផ្សេងមួយ ។

អ្នកក៏អាចកែប្រែលក្ខណសម្បត្តិរបស់បន្ទាត់ ដោយជ្រើសបន្ទាត់ និង ជ្រើស ទ្រង់ទ្រាយ - បន្ទាត់ ។

ដើម្បីមើលចំណុចទិន្នន័យ និង ចំណុចបញ្ជានៃបន្ទាត់កោងមួយ ជ្រើសបន្ទាត់ ហើយបន្ទាប់មកចុចរូបតំណាង ចំណុច លើរបារគូរ ។ ចំណុចទិនុ្នន័យត្រូវបានតំណាងដោយការេ ហើយចំណុចបញ្ជាត្រូវបានតាងដោយរង្វង់ ។ ចំណុចបញ្ជាមួយអាចនឹងគ្របលើចំណុចទិន្នន័យមួយ ។

ដើម្បីលៃតម្រូវចម្រៀកបន្ទាត់រាងកោង ៖

ជ្រើសបន្ទាត់កោងមួយ ហើយបន្ទាប់មកចុចរូបតំណាង ចំណុច លើរបារ គូរ ។
អនុវត្តមួយក្នុងចំណោមជំហានខាងក្រោម ៖

អូសចំណុចទិន្នន័យមួយ ដើម្បីផ្លាស់ប្តូរទំហំបន្ទាត់ ។ ប្រសិនបើចំណុចបញ្ជានៅពីលើចំណុចទិន្នន័យ អូសចំណុចបញ្ជារហូតដល់អ្នកមើលឃើញចំណុចទិន្នន័យ និង បន្ទាប់មកអូសចំណុចទិន្នន័យ ។
អូសចំណុចបញ្ជាមួយ ។ ខ្សែកោងទាញក្នុងទិសដៅ ដែលអ្នកអូសចំណុចបញ្ជា ។

ដើម្បីពុះបន្ទាត់រាងកោងមួយ ៖

អ្នកអាចពុះបន្ទាត់ខ្សែកោងមួយ ដែលមានចំណុចទិន្នន័យបី ឬ ច្រើនតែប៉ុណ្ណោះ ។

ជ្រើសបន្ទាត់កោងមួយ ហើយបន្ទាប់មកចុចរូបតំណាង ចំណុច លើរបារ គូរ ។
ជ្រើសចំណុចទិន្នន័យមួយ ហើយបន្ទាប់មកចុចរូបតំណាង ពុះខ្សែកោង លើរបារ កែសម្រួលចំណុច ។

ដើម្បីបង្កើតរាងបិទភ្ជិត ៖

ជ្រើសបន្ទាត់កោងមួយ ហើយបន្ទាប់មកចុចរូបតំណាង ចំណុច លើរបារ គូរ ។
លើរបារ កែសម្រួលចំណុច ចុចរូបតំណាង Bézier បិទ ។

ដើម្បីបម្លែងចំណុចទិន្នន័យនៅលើបន្ទាត់កោង ៖

ជ្រើសបន្ទាត់កោងមួយ ហើយបន្ទាប់មកចុចរូបតំណាង ចំណុច លើរបារ គូរ ។
ចុចចំណុចបញ្ជាដែលអ្នកចង់បម្លែង ហើយធ្វើក្នុងចំណោមខាងក្រោម ៖

ដើម្បីបម្លែងចំណុចទិន្នន័យជាចំណុចរាបស្មើ ចុចរូបតំណាង ដំណើរផ្លាស់ប្តូររាបស្មើ លើរបារ កែសម្រួលចំណុច ។
ដើម្បីបម្លែងចំណុចទិន្នន័យជាចំណុចស៊ីមេទ្រី ចុចរូបតំណាង ដំណើរផ្លាស់ប្តូរស៊ីមេទ្រី លើរបារ កែសម្រួលចំណុច ។
ដើម្បីបម្លែងចំណុចទិន្នន័យជាចំណុចជ្រុង ចុចរូបតំណាង ចំណុចជ្រុង លើរបារ កែសម្រួលចំណុច ។